Ambasada e Shteteve të Bashkuara të Amerikës apelon shtetasit e saj në Tiranë lidhur me manifestimin e 2 marsit, thirrur nga Presidenti i Republikës.
“Një tubim politik pritet të zhvillohet në 2 Mars 2020 duke filluar rreth orës 5:00 pasdite. Kohëzgjatja e tubimit të pritshëm është e panjohur. Demonstratat e kaluara kanë përfshirë dhunën. Forcat e sigurisë kanë përdorur topa uji dhe gaz lotsjellës për të shpërndarë turmat.” thuhet në njoftimin e Ambasadës Amerikane, e cila ndër të tjera fton shtetasit amerikanë në Tiranë të shmangin zonën e protestës më 2 mars.
“Shmangni vendet e mundshme të protestës përfshirë Bulevardin Kombëtar.
Monitoroni median lokale për përditësime.” thuhet më tej në njoftim ku vihen në dispozicion edhe numrat e telefonit.
VAZHDO TË LEXOSH MË TEPËR PËR TEMËN
Delegacioni i BE thirrje opozitës: Urgjente të kapërcehet…
Protesta e 16-Marsit/ Basha mbledh aleatët në selinë blu
