Ekzekutohet “mbretëresha e bukurisë” në Irak

Një modele që e kishte rritur ndjeshëm famën e saj edhe nëpërmjet “Instagramit” është qëlluar për vdekje nga persona të armatosur në kryeqytetin irakian ditën e enjte.

Tara Fares, 22 vjeç, u ekzekutua ndërsa ndodhej në automjetin e saj “Porsche” në Bagdad. Reagime të pafundme kanë ardhur vetëm nëpërmjet “Instagramit”, ku modelja 22 vjeçare ndiqej nga më shumë se 3 milionë persona.

Ish-“mbretëresha e bukurisë” në Irak u dërgua në spitalin e Bagdadit në orët e para të mëngjesit, por nuk mundi t’u mbijetonte plagëve të marra.

Kjo ngjarje tragjike vjen vetëm pak kohë, kur dy vajza të tjera që merreshin me modë u ekzekutuan në Irak. Shkaqet deri tani janë ta paqarta.