Ministrja e Shëndetësisë, Ogerta Manastirliu ka bërë të ditur për publikun se janë testuar 65 raste në Shqipëri, nga të cilët 2 që dolën pozitivë dhe 14 të tjerë që kanë pasur kontakte me dy të parët janë në proces.
”Janë testuar 65 raste në laboratorin e virologjisë në ISHP. 2 prej të cilëve kanë rezultuar pozitivë. Në proces testimi janë 14 raste që i përkasin kontakteve të ngushta të rasteve që janë identifikuar. Sikurse kemi bërë me transparencë maksimale do t’ju informojmë për çdo informacion të rëndësishëm për qytetarët.”– tha Manastirliu.
Manastirliu njoftoi në një konferencë një urdhër të ri të ndërmarrë për të parandaluar përhapjen e COVID-19 në Shqipëri. Nga sot do të anulohen të gjitha ndërhyrjet kirurgjikale të planifikuara.
“Urdhër i ri ka të bëjë me kufizimin dhe ndalimin e ndërhyrjeve operatore kirurgjikale duke përjashtuar patologjitë malinje. Nuk do të ketë asnjë ndalim për shërbime kirurgjikale të urgjencave”- sqaroi ministrja Manastirliu.
Ajo tha ndër të tjera se Shqipëria ka tashmë një “personel të mirëtrajnuar” për tu përballur me këtë virus.
“Kemi pasur kohë për të bërë trajnime sipas protokolleve të OBSH-së. Ju them të keni besim tek personeli ynë shëndetësor. Nuk është hera e parë që përballemi me këto situata”,- vijoi ajo.
VAZHDO TË LEXOSH MË TEPËR PËR TEMËN
Manastirliu: Koronavirusi mund të prekë edhe Shqipërinë, nuk jemi imun!
Shqipëria mbyll kufijtë me Italinë nga frika e koronavirusit?
Koronavirusi/ Balla kërkon në interpelancë Manastirliun
