20.03.2020 - 22:34
Përhapja e Covid-19 pothuajse ka pezulluar të gjitha aktivitetet sportive në mbarë botën. Organizatorët e Giro D’Italia kanë marrë vendimin për të shtyrë turneun e madh të bicikletës që zhvillohet në këtë vend në muajin maj (edicioni nr.103).
Ky turne duhej të niste më 9 maj nga Budapesti (Hungari), por është shtyrë pa patur ende një datë të saktë se kur do të nisë. Shkak i këtij vendimi është coronavirus, që ka “pushtuar” prej dy javësh Italinë, madje duke e gjunjëzuar shtetin fqinj.
Organizatorët u shprehën se do të marrin një vendim për datën e saktë të fillimit më 3 prill. Giro D’Italia është një nga 3 turnetë më të mëdhenj në botë në sportin e ciklizmit, bashkë me Turin e Francës dhe Vueltën e Spanjës.
VAZHDO TË LEXOSH MË TEPËR PËR TEMËN
“Mos e merrni lehtë”
Covid-19, regjistrohet rasti i parë nga Premier League
Ndikimi i pandemisë
