Aleatët e Boris Johnson u kthyen kundër Kinës për shkak se dje numri i vdekjeve të Britanisë nga epidemia e koronavirusit arriti në katër shifra.
Ministrat dhe zyrtarët e lartë të Downing Street thanë që shteti komunist tani përballet me një “përgjegjësi” për trajtimin e krizës dhe rrezikon të bëhet një “shtet pariah”.
Ata janë të zemëruar për fushatën e dezinformatave në Kinë, përpjekjet për të shfrytëzuar pandeminë për përfitime ekonomike dhe mënyrën sesi trajtojnë kafshët.
Kryeministri, i cili tani përballet me thirrjet e kabinetit për të ndryshuar vendimin e tij për të lejuar që firma e diskutueshme kineze Huawei të ndërtojë pjesë të mëdha të rrjetit të ri të telefonave 5G të Britanisë, sot paralajmëron se epidemia ka të ngjarë të përkeqësohet në javët e ardhshme.
Në një letër drejtuar 30 milion familjeve, Johnson, i cili po punon i izoluar, pasi rezultoi I infektuar me koronavirus, thotë: “Gjërat do të përkeqësohen para se të përmirësohen”.
Në një tjetër ditë dramatike:
- Numri i vdekjeve në Mbretërinë e Bashkuar u rrit në 1.019 brenda 24 orësh, përfshirë edhe kirurgun e parë që vdiq nga Covid-19;
- Shefi mjekësor i NHS, Stephen Powis tha “secili nga ne ka një rol për të luajtur” që vdekjet të jenë nën 20,000;
- Një sondazh zbuloi se Kancelari Rishi Sunak është i preferuari i votuesve për të qenë kryeministër i përkohshëm nëse Johnson nuk mund të kryejë detyrat e tij;
- Infektimi i shumë figurave në qeverinë britanike mund të ketë origjinën tek negociatori kryesor i BE për Brexit, Michel Barnier;
- Imazhet e para të ExCel Center në Londër që po shndërrohet në një spital të improvizuar prej 4,000 shtretërish u shfaqën nëpër rrjet.
- Vdekjet në të gjithë Evropën tejkaluan 20,000;
- Infeksionet globale kapën 600,000;
- Në mes të frikës së më shumë rasteve të abuzimit në familje, Sekretari i Brendshëm Priti Patel paralajmëroi fajtorët që ata do të “viheshin para drejtësisë”;
- Presidenti amerikan Donald Trump sugjeroi se ai mund të përpiqet të vendosë Nju Jorkun në karantinë;
- Wuhan, epiqendra kineze e krizës, u rihap pjesërisht pas më shumë se dy muajsh në izolim;
Viktimat më të fundit britanike të epidemisë përfshijnë kirurgun e parë që vdiq nga virusi. Dr Adil El Tayar, 63 vjeç, i cili vdiq të mërkurën, mendohet se është infektuar ndërsa ishte duke punuar në një spital në Midlands.
Kushëriri i tij, prezantuesi i BBC-së Zeinab Badawi, tha: ‘Adil ishte një stoik dhe një optimist dhe mendoi
Në letrën e tij, Johnson thotë se e kupton ndërprerjen e shkaktuar nga bllokimi, por e përshkruan atë si ‘absolutisht të domosdoshëm’, duke shtuar: ‘Sa më shumë ne të ndjekim rregullat, aq më pak jetë do të humbasim’.
Ndërkohë, Sekretari i Biznesit Alok Sharma njoftoi dje se rregullat e falimentimit do të ndryshohen për t’i lejuar firmave më shumë fleksibilitet. Ai gjithashtu zbuloi masa për të rritur furnizimin me pajisje personale mbrojtëse, të tilla si maska për fytyrën dhe të tjera.
Pas raporteve të diskutueshme se numri i vdekjeve mund të jetë më i ulët sesa pritej, drejtori mjekësor i NHS Stephen Powis u bëri thirrje njerëzve të qëndrojnë të mbyllur për të mposhtur virusin, duke shtuar se “tani nuk është koha për të qenë të vetëkënaqur’.
Ndërkohë që lufta kundër koronavirusit vazhdon, pati pakënaqësi në rritje ndaj kinezëve në Nr 10.
Një burim i lartë i qeverisë tha: “Sigurisht, përparësia e vetme tani është të merremi me krizën, por të gjithë e dinë se duhet të jape dikush llogari kur të gjitha këto të mbarojnë”.
Ish-udhëheqësi i Partisë Konservatore, Iain Duncan Smith thotë: ‘Për një kohë të gjatë, kombet kanë mbështetur Kinën me shpresën e dëshpëruar për të fituar marrëveshje tregtare. Por pasi të jetë zhdukur kjo pandemi e tmerrshme, është e domosdoshme që të gjithë ta rimendojmë atë marrëdhënie.
A do të mësojnë ata ndonjëherë? Tregjet kineze janë ende duke shitur lakuriqë dhe duke vrarë lepuj në dyshemetë e lara me gjak, ndërkohë që Pekini feston ‘fitoren’ kundër koronavirusit
Qentë dhe macet e tmerruara futen në kafaze të ndryshkura. Minjtë dhe akrepat janë ende në shitje. Lepuj dhe rosat theren dhe lëkurat e tyre vendosen krah për krah në një dysheme guri të mbuluar me gjak, jashtëqitje dhe mbetje kafshësh.
Këto ishin skenat thellësisht shqetësuese dje ndërkohë që Kina festonte fitoren e saj, duke rihapur tregjet e mishit, ku filloi pandemia para tre muajsh, pa asnjë përpjekje për standarde higjienike për të parandaluar një fatkeqësi tjetër.
Një korrespodent i Mail on Sunday tha se pa dje ndërsa mijëra klientë në një treg në Guilin, në jug-perëndim të Kinës.
Këtu kafazet e specieve të ndryshme ishin vendosur mbi njëra-tjetrën. Në një treg tjetër të mishit në Dongguan, në Kinën Jugore, një korrespodent tjetër fotografoi një shitës që kthehej në biznesin e tij të enjten, duke reklamuar lakuriqët që shiste, që mendohen të jetë origjina e virusit, së bashku me akrepat dhe krijesat e tjera.
Skenat tronditëse erdhën ndërkohë që Kina më në fund i dha fund izolimit të gjatë disa javësh në mbarë vendin dhe inkurajoi njerëzit të ktheheshin në jetën e zakonshme për të rritur ekonominë. Statistikat zyrtare treguan se nuk kishte asnjë rast të ri të infektuari me koronavirus.
Tregu në Guilin u mbush me blerës dje, me mish të freskët qensh dhe mace që ofrohej, një pjatë tradicionale e ‘ngrohjes’ së dimrit.
Të gjithë këtu besojnë se virusi ka mbaruar dhe nuk ka asgjë për t’u shqetësuar. Është vetëm një problem i huaj tani për sa i përket tyre,’ tha një nga korrespondentët me qendër në Kinë që kapi këto imazhe për The Mail on Sunday.
Korrespondentja që vizitoi Dongguan tha: ‘Tregjet janë rikthyer për të operuar në të njëjtën mënyrë siç vepronin përpara koronavirusit. “Dallimi i vetëm është se rojet e sigurisë përpiqen të ndalojnë këdo që të fotografojë, gjë që nuk kishte ndodhur kurrë më parë.”
Rastet e parë të koronavirusit nisën në një treg në Wuhan, por kjo u mbajt e fshehur.
Tani, pas një rënieje dramatike të shkallës së të infektuarve brenda Kinës, qeveria e Pekinit po promovon teori konspirative që virusi nuk filloi fare në Kinë. Ndërkohë, zyrtarët kinezë kanë promovuar teori të pabazuara se ushtria amerikane solli virusin.
Sjellja e Kinës gjatë pandemisë koronavirus përfundimisht do të rezultojë në përkeqësim të marrëdhënieve me Pekinin, kanë paralajmëruar aleatët e afërt të Boris Johnson.
Ministrat e vjetër mendojnë se Kina rrezikon të bëhet një shtet pariah nëse nuk ka reforma gjithëpërfshirëse, dhe ata po kërkojnë një rishikim urgjent të marrëdhënieve të Britanisë me super-shtetin komunist.
Dhe kjo vjen në një moment kur kryeministri përballet me presion nga kabineti për të bllokuar marrëveshjen me gjigantin e teknologjisë kineze Huawei për të ndërtuar një numër të madh të rrjetit 5G të Britanisë.
Ka shumë zemërim lidhur me dezinformatat e Partisë Komuniste Kineze rreth virusit, kufizimet në sasi të mëdha të pajisjeve mjekësore mbrojtëse që eksportohen, dhe abuzimet e të drejtave të kafshëve.
Ka zemërim gjithashtu në lidhje me përpjekjet për të fajësuar një delegacion të ushtrisë amerikane në qytetin Wuhan, epiqendra e shpërthimit, për shkaktimin e krizës.
Johnson është paralajmëruar nga këshilltarët shkencorë se statistikat e deklaruara zyrtarisht në Kinë për numrin e rasteve të koronavirusit mund të ‘minimizohen nga 15 deri në 40 herë’. Dhe Nr 10 beson se Kina po kërkon të ndërtojë fuqinë e saj ekonomike gjatë pandemisë me ‘oferta grabitqare të ndihmës’ për vendet nëpër botë.
Kritikët e vendimit të Johnson për të lejuar përfshirjen e kufizuar të Huawei në 5G po që të kundërshtojnë planin.
Një ministër i kabinetit tha: ‘Ne nuk mund të qëndrojmë pranë dhe të lejojmë dëshirën e shtetit kinez për fshehtësi të shkatërrojë ekonominë e botës dhe pastaj të kthehemi sikur nuk ka ndodhur asgjë’’.
Johnson po reziston, pasi ai u zotua vitin e kaluar ta ndërtonte rrjetin 5G dhe kjo do të jetë e vështirë të arrihet pa Huawein.
Nga ana tjetër, Britanisë i bëhet presion që të jetë në krye të përpjekjeve për ta detyruar Kinën për të vepruar ndryshe lidhur me të drejtat e kafshëve.
Një ministër i moshuar tha: ‘Ne e kemi ditur gjithmonë se tregjet e tyre të jetës së egër janë burim sëmundjesh. Kina duhet t’i mbyllë këto menjëherë. Nëse jo, ata me të drejtë do të bëhen një shtet pariah, pra i izoluar.
Kina gjithashtu kontribuoi në mungesën e pajisjeve mbrojtëse personale (PPE) të nevojshme për mjekët, infermierët dhe profesionistët e tjerë të Britanisë.
Ironikisht, dhe për kritikët, në mënyrë cinike, Kina tani ka filluar të dhurojë maska dhe pajisje të tjera për vendet e tjera.
Deputeti Konservator Tom Tugendhat tha: ‘Pekini po maskon urgjencën më të madhe shëndetësore në një shekull dhe kostoja e këtij mashtrimi është globale.’
Përkthyer dhe përshtatur nga Daily mail/ konica.al
