Reporteri për Shqipërinë në Parlamentin Europian David Lega i bën thirrje qeverisë Rama që kjo e fundit të anulojë paketën ligjore për median, e cila u miratua nga Kuvendi në dhjetor.
Duke iu referuar raportit të Reporterëve pa Kufi ku Shqipëria renditet e 84-ta në 180 vende të botës, Lega thekson se është përkeqësuar liria e medias.
“Kufizimi i lirisë së shprehjes, informimit e medias është i papranueshëm në një vend që aspiron për anëtar të Bashkimit Europian. Ligjet (e pezulluara) për median do e përkeqësojnë më tej lirinë e medias në Shqipëri”, deklaron Lega.
??#Albania is rightly dropping two positions in the @RSF_inter 2020 World Press Freedom Index. The pending media laws would further deteriorate Albanian press freedom. Limiting freedoms of expression, information and press is unaccaptable for an aspiring EU member.
— David Lega (@DavidLega) April 22, 2020
Mbasi Presidenti Ilir Meta i ktheu ligjet në Kuvend dhe Asambleja Parlamentare e Këshillit të Europës kërkoi opinionin e Komisionit të Venecias qeveria Rama deklaroi se do të priste këtë opinion para se të votonte dekretin.
Po dje Genc Pollo, përfaqësues i Partisë Demokratike, duke komentuar raportin tha se Bashkimi Europian në 25 mars vuri lirinë e medias si një ndër 15 kushtet për çeljen e negociatave. “Prandaj rilindasit menjëherë dhe me doemos të abrogojnë paketën antifjalë, të abrogojnë shpifjen si vepër penale dhe të rikthejnë normat europiane për pronësinë në media që me porosi të oligarkëve i anulluan para katër vitesh.”, tha Pollo.
VAZHDO TË LEXOSH MË TEPËR PËR TEMËN
Liria e medias/ Rama nxjerr grafikun: Për “virgjëreshat”, s’ka media të shantazhuar!
