Presidenti Ilir Meta uron gjithë besimtarët myslimanë për Muajin e Shenjtë të Ramazanit.
Meta shkruan se Iftari që tradicionalisht bashkon të gjithë shqiptarët në sofrën e bujarisë dhe solidaritetit, këtë vit për shkak të situatës i ka kushtëzuar të gjithë që të jenë bashkë shpirtërisht, por jo fizikisht. Duke cituar Kuranin, Presidenti shkruan “Pas vështirësisë vjen lehtësimi.”
Postimi i plotë i Metës:
Sot është dita e parë e agjërimit të Muajit të Shenjtë të Ramazanit.
Iftari, që tradicionalisht bashkon të gjithë shqiptarët në sofrën e bujarisë dhe solidaritetit, këtë vit për shkak të situatës na ka kushtëzuar të jemi bashkë shpirtërisht, por jo fizikisht.
Bashkoj lutjet e mia me të gjithë shqiptarët dhe në veçanti me besimtarët myslimanë kudo ndodhen, me bindjen se ditë më të mira patjetër do të vijnë.
“Pas vështirësisë vjen lehtësimi” Kuran.
