Kryeministri i Kosovës, Albin Kurti ka shkarkuar Shkëlzen Gashin, këshilltarin e tij që deklaroi se Ushtria Çlirimtare e Kosovës ka kryer krime.
Kjo deklaratë nga dita e djeshme deri sot ka ndezur arenën politike në Kosovë por jo vetëm dhe në Serbi por ka ndërhyrë menjëherë Kurti.
Në një status nëFB, Kurti thotë se e ka liruar nga detyra dhe ka mësuar se ai nuk është një bashkëbisedues i lehtë.
Gashi në fakt përmendi se vetëm disa pjesëtarë të UÇK kanë kryer krime ndaj serbëve por nuk është tërhequr nga këto fjalë.
STATUSI I ALBIN KURTIT
Sot e kam takuar dhe më pas e kam liruar nga detyra këshilltarin tim politik, z. Shkëlzen Gashi.
Disa deklarata të djeshme të tij patën pasoja shpërqendruese nga puna e mirë e qeverisë në detyrë. Konsideroj që është më mirë që debatin në të cilin është përfshirë ai të mos e bëjë nga pozita e këshilltarit tim.
E falenderoj për kontributin e dhënë. E çmoj për mendimin kritik. Ka aq shumë gjëra për të cilat pajtohemi në të tashmen, ka edhe të atilla për të cilat nuk pajtohemi nga e kaluara. Z. Gashi nuk është një bashkëbisedues i lehtë. Nga kjo vështirësi kam mësuar.
VAZHDO TË LEXOSH MË TEPËR PËR TEMËN
Qeveria e re/ LDK mblidhet për të ndarë ministritë
