Ka përfunduar ndeshja e fundit e javës 26 të Bundesligës, ku mes Werder Bremen dhe Bayer Leverkusen pati plot 5 gola, me miqtë që fituan 1-4. Një sukses që afron Leverkusen me zonën Champions, ndërsa Bremen zhytet në fund.
Bayer Leverkusen kaloi në avantazh me Kai Havertz, që dërgoi topin në rrjetë në minutën e 27′. Havertz shënoi me një goditje të saktë me kokë duke mposhtur portierin vendas në një stadium të zbrazur.
Vendasit reaguan shumë shpejt me anë të Gebre Selassie. Ky i fundit barazoi në minutën e 30′, ndërsa nuk ka zgjatur shumë festa e vendasve, pasi magjiku Havertz ka shënuar dhe golin e radhës për 1-2. Me kaq përfundoi pjesa e parë.
Në të dytën, miqtë shënuan edhe dy gola të tjerë. Weiser në 61’ dhe Demirbay në 78’ thelluan avntazhin dhe e bënë fitoren të sigurtë. Milot Rashica luajti për 85 minuta, por pa lënë gjurmë në këtë humbje të skuadrës së tij.
VAZHDO TË LEXOSH MË TEPËR PËR TEMËN
Bayern dhe Lewandowski e nisin aty ku e lanë…
Dortmund e rinis fuqishëm, ndalet Leipzig
M’Gladbach mposht Frankfurt, merr vendin e tretë
