Kjo është fundjava e parë pa kufizime, pas më shumë se dy muajsh, që në mes të muajit mars, kur në vendin tonë rezultoi personi i parë pozitiv me koronavirus. Kjo e shtunë dhe e diel do të jenë si ditë normale, ku do të mund të dalin të gjithë qytetarët dhe pa kufizime oraresh.
Po ashtu, edhe bizneset do të jenë të gjitha të hapura pa asnjë kufizim, si dhe lokalet e restorantet. I vetmi kufizim do të jetë lëvizja e qytetarëve nga zonat e kuqe në zonat e gjelbra, deri të hënën e 1 qershorit, kur do të hiqet edhe ky kufizim.
Ndërkohë, duke filluar nga 1 qershori do të hapen edhe kufijtë tokësorë me vendet fqinje, çerdhet e kopshtet, kampionatet sportive pa praninë e publikut, parqet, qendrat e formimit arsimor, kulturor, qendrat e internetit dhe palestrat sipas protokolleve të sigurisë.
Prej 1 qershorit edhe plazhet do të hapen, por vetëm për hotelierët, ndërsa për të gjithë qytetarët nga data 6. Mbetet ende mbyllur transporti publik, për të cilin po hartohet një protokoll i veçantë me Ministrinë e Transporteve.
VAZHDO TË LEXOSH MË TEPËR PËR TEMËN
Euronews: Përplasja politike në Shqipëri ka dërguar në krizë të thellë!
Rama: Nga 1 qershori hapen të gjithë kufijtë tokësorë
Kjo është sfida më e madhe në historinë e BE-së!
