Presidenti i Kosovës, Hashim Thaçi, duke marrë shkas nga situata në të cilin ndodhet vendi për shkak të pandemisë, theksoi se e urren gjendjen e jashtëzakonshme. Thaçi tha se termin “gjendje e jashtëzakonshme” e ka urryer gjithmonë, ndërsa shtoi se një gjë të tillë e ka diskutuar vetëm pas propozimit të disa partive politike në vend.
“Gjendja e jashtëzakonshme, edhe si term gjithmonë e kam urryer edhe në kohën e Serbisë, ideja e partive që është drejtuar presidentit kam pasur obligim kushtetues që ta procedoj, çka mund të them unë kurrë nuk kam pasur ndonjë pretendim sa i përket asaj gjendje, vetëm synim për të implementuar vullnetin e partive dhe shëndetin. Ideja ka qenë që të kemi sa më pak viktima dhe sa më pak të infektuar”, ka thënë ai.
Thaçi ka shtuar se tashmë e nevojshme është vetëm respektimi i udhëzimeve të Institutit të Shëndetit. “E kam urryer nga përvoja personale që kemi përjetuar në atë kohë masa të jashtëzakonshme deri në përmasa të gjenocidit”, ka thënë ai.
VAZHDO TË LEXOSH MË TEPËR PËR TEMËN
A ka Kosova mjaftueshëm rezerva në rast të izolimit?
“Ekonomia e luftës” apo ”korona-ekonomia”?
Covid-19/ Thaçi firmos dekretin për gjendjen e jashtëzakonshme
