Kryeministri Edi Rama ka përjashtuar kategorikisht mundësinë e një koalicioni PS-LSI, teksa u pyet në studion e emisionit “Open” në Top Channel.
Gjithashtu Rama ka thënë se vazhdon të mendojë se pas shembjes së Teatrit Kombëtar do të lindë një parti e re, por teksa i është kërkuar një informacion më i detajuar, se kush do të ishte drejtues i saj, Kryeministri theksoi se kjo është në kuadrin e parashikimit.
Pjesë nga intervista:
Pyetje: E mendoni një koalicion me LSI?
Rama: Koalicion i PS me LSI? Jo!
Pyetje: Keni parashikuar para pak kohësh se pas shembjes së Teatrit Kombëtar do shohim një parti të re së shpejti? E mendoni akoma?
Rama: Kështu mendoj, vazhdoj ta mendoj.
Pyetje: Keni dijeni kush është kreu?
Rama: Ky është thjeshtë një parashikim. Parashikimet nuk shpjegohen se pastaj nuk janë më parashikime.
