Duket se edhe Kosova do ti rikthehet kufizimeve. 58 infektime të reja janë regjistruar në 24 orët e fundit, duke shtyrë autoritetet të paralajmërojnë më rikthim të masave të izolimit nëse nuk zbatohen rekomandimet e ekspertëve shëndetësorë.
Fjala e plotë
“Sot, nga informatat që kemi marrë nga Instituti, situata është alarmante. Nëse nuk vetëdijesohemi për të respektuar strikt udhëzimet e ekspertëve shëndetësorë, ne jemi të detyruar t’i kthejmë masat që kanë qenë më herët për të mbrojtur jetën e qytetarëve”.
Avdullah Hoti.Drejtori i Institutit Kombëtar i Shëndetit Publik, Naser Ramadani, ka thënë se gjatë kësaj jave është shënuar rritje e numrit të rasteve, gjë që, sipas tij, është shqetësuese. Siç thuhet, gjatë ditëve të fundit ka shfaqje të infektimeve mes punonjësve të institucioneve, si posta, korporata energjetike e Kosovës, galeria e arteve, institucioneve bankare, shëndetësore, kompani tregtare dhe biznese private.
Ramadani njoftoi se instituti, së bashku me ministrinë e shëndetësisë kanë hartuar një fletëpalosje me udhëzime se si duhet të sillen biznese të ndryshme dhe qytetarët për të mos e përhapur më tej koronavirusin. Me shifrat e fundit, numri i përgjithshëm i të infektuarve me koronavirus në Kosovë shkon 1,384, ndërsa viktimat janë 31.
VAZHDO TË LEXOSH MË TEPËR PËR TEMËN
“Po e pres propozimin për zgjidhjen e çështjes me Kosovën”
“Bashkëpunoni në luftë kundër koronavirusit”
“BE-ja nuk po bën garë me ndihmat për Ballkanin”
