Kryeministri i Maqedonisë Veriore, Oliver Spasovski, deklaroi se qeveria do të marrë në konsideratë urgjentisht propozimin e Komisionit për Sëmundje Infektive në atë vend për të rivendosur testet PCR për qytetarët e Serbisë, Kosovës, Bosnjës dhe Malit të Zi në kufijtë e Maqedonisë.
“Qeveria do të marrë në konsideratë urgjentisht propozimin e Komisionit për mbajtjen e detyrueshme të testeve PCR, jo më shumë se 72 orë, për të gjithë qytetarët që hyjnë në vend nga Serbia, Bosnja, Mali i Zi dhe Kosova, dhe do të marrë një vendim bazuar në atë”, tha ai.
“Komisioni maqedonas për Sëmundje Infektive zhvilloi një takim të mërkurën në mëngjes, në të cilin u mor një vendim për t’i propozuar qeverisë të enjten për të prezantuar një test të detyrueshëm PCR për qytetarët e vendeve të mësipërme”, njoftoi Ministria e Shëndetësisë në Shkup.
Siç u tha, rekomandimi u bë pas analizës së situatës aktuale epidemiologjike në vendet e përmendura dhe në përputhje me informacionin që ata morën nga autoritetet shëndetësore të atyre vendeve.
Siç mund të vihet re, kjo masë nuk përfshin Shqipërinë.
VAZHDO TË LEXOSH MË TEPËR PËR TEMËN
Covid-19 rikthehet frikshëm në Ballkan
