Spitalit “Shefqet Ndroqi” që trajton pacientët e infektuar me CVOID-19 do i shtohen edhe 50 infermierë të rinj, të cilët do të ndihmojnë mjekët për t’u kujdesur për pacientët e shtruar në këtë spital.
Lajmin e ka bërë të ditur ministrja e Shëndetësisë Ogerta Manastirliu, e cila ishte edhe vetë në spitalin COVID 2 për t’i uruar infermierët e rinj në punën e vështirë të cilën e kanë marrë përsipër.
Disa nga këta infermierë janë edhe infermierët që ishin pjesë e misionit të parë të grupit të dërguar në Itali për të ndihmuar në sopitalet italiane, në kohën kur shteti fqinj ishte vendi më i goditur nga koronavirusi.
“Kemi raste të konfirmuara ashtu sikurse kemi raste të dyshuara të mundssme që janë duke u trajtuar për simptomat e COVID-19. Tashëm edhe ju do is htoheni armatës së mjekëve për t’u shërbyer pacientëve dhe për të ndihmuar mjekët dhe infermierët në këtë spital.
Pjesë e infermierëve të “Shefqet Ndroqit” do të jenë edhe një pjesë e infeermierëve që ishin në misionin e parë në Itali, me eksperiencën që morën në atë vend. Mjekët dhe infermierët janë heronjtë e ditës që përballen me shumë vështirësi. Është në dorën tonë këputja e zinxhirit të infeksionit duke respektuar rregullat.
Jemi duke fuqizuar kapacitetet spitalore përsa i përket spitaleve. Më e rëndësishme janë burimet njerëzore, që në sistemin tonë janë të limituara”, tha ndër të tjera Manastirliu.
