Ministrja e Mbrojtjes Olta Xhacka, duke folur nga Kakavija per “News 24”, ku është bërë radhë e gjatë automjetesh në kufi, deklaroi se situata ndodh edhe për faktin se koronavirusi ka paralizuar botën tashmëë, e ndikon edhe në Shqipëri.
Xhacka u shpreh se është biseduar me palën greke dhe se nga ana e institucioneve helene është premtuar se nuk ka tendencë ndalimi të atyre që kalojnë, por janë duke ndjekur procedura të zakonshme, njësoj sic bëjnë me cdo shtet tjetër.
“Jo të gjitha makinat do kalojnë sot për fat të keq, që do të thotë se do të kthehen. Është detyra jonë që t’ju gjendemi pranë me më të mirën e mundshme, në këtë situatë që jemi sot. I kemi ndihmuar sa kemi mundur, me ujë dhe me ushqim, me gjithcka që kemi mundur. Mos harroni se koronavirusi ka paralizuar gjithë botën sot. Kjo pandemi ka paralizuar cdo aktivitet. Këtu nuk ka tendencë nga pala greke për të vështirësuarr gjërat, por janë ca rregulla që janë vendosur.
Unë e kuptoj se ka njerëz që kanë problemet e tyre, por ata duhet që dhimbshëm t’ju ushtrohen këtyre urdhrave. Maksimalja që mund të bëjmë është presioni për të përshpejtuar procedurat e kalimit. Pala greke nuk na ka pranuar që të bëjmë me teste, plus ata teste nuk janë aspak tregues nëse je bartës apo jo. Sot kanë kaluar 2300 persona në kufi”, tha Xhacka.
VAZHDO TË LEXOSH MË TEPËR PËR TEMËN
21 shqiptarë ngelen të bllokuar në tokën neutrale me Greqinë
