Ka vijuar spektakli në kupat e Europës. Sonte u mësua edhe finalisti i parë i Champions League. PSG mposhti 3-0 Leipzg dhe kampionët francezë tashmë presin emrin e finalistit të dytë mes Bayern Munchen dhe Lyon.
PSG e ka nisur me vrull ndeshjen. Ekipi francez gjeti menjëherë golin në minutën e 13′. Di Maria krosoi drejt zonës dhe Marquinhos u shkëput bukur me kokë duke gjetur rrjetën për 1-0. PSG në 42’ shënoi golin e dytë. Portieri Gulacsi i dorëzoi topin PSG-së. Neymar nxorri mjaft mirë Di Marian para portës dhe ky i fundit nuk gaboi për 2-0.
E dyta nisi mirë për gjermanët, por u mungonte finalizimi. Në 56’ PSG shënoi golin e tretë. Ishte një aksion i ndërtuar pa shumë pretendime, por mbrojtja e gjermanëve është totalisht në panik dhe lejoi hapësira për sulmuesit e kampionëve të Francës. Ata nuk gabuan dhe gjetën golin e tretë me Bernat.
Leipzig duket i pafuqishëm për të shënuar një gol, ndërkohë që PSG shfaqet sërish rrezikshëm, me Mbappe që kërkon një gol. Në minutat e mbetura ndeshja ishte e luftuar, në dy portat pati raste, por nuk u shënua gol. Fiton PSG 3-0 dhe shkon në finale.
VAZHDO TË LEXOSH MË TEPËR PËR TEMËN
Inter me “5 yje”, kalon në finale
