Një 25-vjeçar është arrestuar në lidhje me ngjarjen e rëndë ditën e djeshme, ku një vajzë u gjet e mbytur.
Bëhet me dije se në pranga ka rënë Indrit Bajraktari, 25-vjeç.
Dyshohet se personi në fjalë bashkë me vajzën, 17-vjeçare kishin dalë në det me një skaf.
Rreth orës 16:30, 25-vjeçari ka dalë në breg pa motorrin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj.
Nuk dihet ende shkaku se pse ka vdekur vajza e cila u gjet nga peshkatarët në det e pajetë 700- 800 metra larg bregut të detit në vendin e quajtur “Vilun”.
Indrit Bajraktari nga Postriba kishte dalë së bashku me vajzën në det me skaf.
Por sipas pretendimit të Bajraktarit, vajza ka rrëshqitur nga skafi dhe është mbytur në det. Por ai shton se më pas nuk mban mend se çfarë ka ndodhur.
Kujtojmë që ditën e djeshme një vajzë 18-vjeçare, rreth orës 16:30, në vendin e quajtur Vilun, Velipojë, në një distancë larg nga bregu, rreth 700-800 m është gjetur nga peshkatarët e pajetë.
Njoftimi policisë:
Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare.
Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.
Në përfundim të veprimeve të para hetimore u bë arrestimi në flagrancë i shtetasit:
– I. B., 25 vjeç, banues në fshatin Kullaj, Njesia Administrative Postrribë Shkodër.
Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motorr uji të marrë me qera së bashku me shtetasen E. D., 17 vjeçe, banuese në Bathore.
Rreth orës 16:30, ky shtetas ka dalë në breg pa motorrin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj.
Në cilësinë e provës materiale u sekuestrua çelësi i motorrit.
Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”.
