Eksperti i Shëndetit Publik, Erion Dasho përmes një postimi në rrjetet sociale iu bën thirrjen Ministrisë së Arsimit dhe asaj të Shëndetësisë për krijimin e një strategjie të studiuar pas vendimit për të hapur shkollat.
Nisur nga ajo që po ndodh në Gjermani ku vetëm 2 javë pas hapjes së shkollave, qindra nxënës dhe mësues në 41 nga më shumë se 800 shkollat e Berlinit janë vendosur në karantinë si pasojë e shpërthimeve të COVID-it, Dasho ngre shqetësimin për sigurimin e shëndetit të nxënësve dhe prindërve.
“Vetëm dy javë pas hapjes për vitin shkollor 2020-21, qindra nxënës dhe mësues në 41 nga më shumë se 800 shkollat e Berlinit janë vendosur në karantinë si pasojë e shpërthimeve të COVID-it.
Uroj që Ministria e Shëndetësisë dhe Ministria e Arsimit në Shqipëri të mësojnë nga shembuj si ky i Berlinit dhe të hartojnë e zbatojnë një plan strategjik për shkolla të sigurta!
Të hapësh dyert e shkollave në kohën e COVID kërkon përgjegjshmëri të lartë profesionale dhe veprim të koordinuar multidisiplinor!
Përveç masave gjithëpërfshirëse në shkollë, kërkon mbështetje nga një sistem survejance, testimi dhe përgjigje të shpejtë në se diçka nuk funksionon.
Shëndeti i fëmijëve dhe jeta e prindërve duhet të sigurohen në çdo rrethanë!”, shkruan Dasho.
VAZHDO TË LEXOSH MË TEPËR PËR TEMËN
COVID-19/ Trefishohen shtrimet, shëndetësia para kolapsit
“Rekomandim urgjent, këta persona duhet të evitojnë me çdo kusht…”
