Gjykata e Posaçme e Apelit ka rrëzuar kërkesën e Orges Bilibilit, i cili kërkoi ndryshim të masës së sigurisë.
Bilbili së bashku me Laert Haxhiun akuzohen për masakrën e Lushnjës në vitin 2017 ku mbeten të vrarë Jurgen Hoxha dhe Zamir Latifi.
Ata akuzohen për ‘vrasjen e rrethana të tjera cilësuese’ dhe ‘grup i strukturuar kriminal’. Orges Bilbili u arrestua ne Tiranë gjate periudhës se karantinës ku dhe u përplas me policinë.
Kush është Orges Bilbili?
I riu nga Lushnja Orges Bilbili ka arritur t’u shpëtojë 14 operacioneve policore që janë ndërmarrë për arrestimin e tij. Ai akuzohet për një vrasje të dyfishtë dhe ishte në listën e personave të kërkuar nga Policia shqiptare i dënuar në mungesë me 7.4 vjet heqje lirie.
Bilbili akuzohet për vrasjen në vitin 2017 të shtetasve Jurgen Hoxha dhe Zamir Latifi, të cilët njihen si miqtë e ngushtë të Xhulio Shkurtit, djali i vëllait të Aldo Bares (Alfred Shkurtit).
