Tashmë është kthyer në një lojë shahu mes Lionel Messit dhe klubit të të tij Barcelona. Sulmuesi argjentinas nuk ka ndërmend të rishikojë vendimin e tij për të qëndruar, ai kërkon të largohet dhe kjo u duk qartë edhe sot në mëngjes.
Klubi ka pritur lojtarët për t’iu nënshtruar testimeve për COVID-19, të parashikuar nga protokolli i La Liga-s. Lionel Mesi nuk është paraqitur për testet e Koronavirusit para fillimit të përgatitjeve për sezonin e ri, duke thelluar gjithmonë e më shumë hendekun me klubin.
Messi gjatë ditës së shtunë, përmes përfaqësuesve të tij, ka bërë të ditur se nuk do të paraqitet për testime, teksa ditën e hënë edhe zyrtarisht pritet të fillojë epoka Koeman, me stërvitjet që tashmë janë planifikuar dhe ai do të mungojë.
Ndërkohë, i pranishëm ka qenë Luis Suarez, që po pret ofertën e duhur, pasi trajneri nuk e sheh më si titullar uruguajanin. Suarez, gjithsesi, ka pranuar vendimin e Koeman, por me siguri edhe ai do të largohet.
VAZHDO TË LEXOSH MË TEPËR PËR TEMËN
Barcelona e dinte që në korrik se Messi do të largohej
Mënyra se si Inter mund të rrëmbejë Messin
“Luftë e hapur”, Barça shokon Messin me kërkesën e fundit
