02.09.2020 - 07:22
Një aksident ka ndodhur në aksin e vjetër Mamurras -Fushë Krujë, në afërsi të një karburanti në Mamurras.
Mësohet se mjeti tip “Nissan” me drejtues E.Q.,është përplasur me ciklomotorin me drejtues 23 vjeçarin me iniciale R.P., banues në Mamurras. I riu ka ndërruar jetë gjatë transportimit për në spitalin e Traumës në Tiranë.
Drejtuesi i mjetit shtetasi E.Q., është shoqëruar në ambientet e Komisariatit Kurbin për veprime të mëtejshme.
Grupi hetimor në vendgjarje punon për zbardhjen e plotë të shkakut dhe rrethanave të ngjarjes.
