Kanë vijuar ndeshjet e raundit të parë të grand slam të US Open në tenis, turne që zhvillohet pa tifozë si pasojë e pandemisë Covid-19. Serena Williams avancon në raundin e dytë pas fitores 2-0 (7-5, 6-3) ndaj patriotes së saj K.Ahn.
Nuk ka të njëjtin fat motra e saj Venus Williams, që u mund 2-0 (6-3, 7-5) nga çekja Karolina Muchova. Në raundin e dytë për femra avancojnë edhe tenistja spanjolle Garbine Muguruza (nr.10 në botë), e cila mposhti 2-0 japonezen N.Hibino si dhe tenistja amerikane Sloane Stephens, finalistja e vjetshme (2-0 ndaj rumunes Buzarnescu).
Eliminohet që në start tenistja belge Kim Klisters, që rikthehej në fushë pas një periudhe të gjatë (u mund 2-1 nga rusja E.Alexandrova). Te meshkujt, debutim me fitore i britanikut Andy Murray, ish-numri 1 në botë, që mposhti 3-2 me përmbysje, pas 4 orë e 39 minuta japonezin Y.Nishioka (4-6, 4-6, 7-6, 7-6, 6-4).
Më tej avancojnë numrat 2 dhe 3 të turneut, respektivisht austriaku Dominic Thiem dhe rusi Daniil Medvedev. Në ndeshjet e tjera për meshkuj, spikatin toret e bullgarit Grigor Dimitrov, italianit Marco Berrettini dhe kanadezit Milos Raonic, që kualikohen në raundin e dytë.
VAZHDO TË LEXOSH MË TEPËR PËR TEMËN
