Shqipëria e ka nisur mjaft mirë edicionin e dytë në Ligën e Kombeve, duke fituar 2-0 në Bjellorusi. Një sukses që ngjit kuqezinjtë në vendin e parë me pikë të barabarta me Kazakistanin, që fitoi sot po 0-2 në Lituani. Me këtë të fundit Kombëtarja do të ndeshet më 7 shtator në Tiranë.
Goli i parë për kuqezinjtë u shënua nga Cikalleshi në minutën e 23-të. Hysaj nga e djathta pason për sulmuesin, i cili krijon hapësirë dhe nga jashtë zonës dërgon topin në rrjetë, duke përfituar edhe nga një devijim i lehtë. 0-1 mbyllet pjesa e parë.
Vendasit kërkuan me ngulm golin e barazimit në të dytën, por është Shqipëria që ka shënuar golin e dytë me kundërsulm. Ekipi kuqezi gjeti golin me anë të Keidi Bares pas një kundërsulmi model. Mesfushori mori një pasim të mirë nga Roshi në hyrje të zonës dhe e dërgoi mjaft mirë në rrjetë për 0-2.
Gol de keidi bare del próximo fichaje del Espanyol#rcde pic.twitter.com/RuIuUMCSCc
— Sergio (@sergihio199) September 4, 2020
Kuqezinjtë ditën të mbrojnë avantazhin, madje mund të kishin shënuar edhe golin e tretë. Gjithsesi, pas 4 minutash shtesë, Shqipëria fiton 0-2, duke marrë kreun e grupit që në start.
Bjellorusi – Shqipëria 0-2
Cikalleshi 23’, Bare 79’
Bjellorusia: Gutor, Zolotov (76′ Skavish), Martinoviç, Naumov, Bordaçev, Nekhjajçik, Iablonski, Seliava (46′ Kaçaturian), Staseviç, Dragun, Lisakoviç. Trajner: M. Markhel.
Shqipëria: Strakosha, Veseli, Gjimshiti, Dermaku, Hysaj, Gjasula, Bare, Abrashi, Trashi (68′ Roshi), Cikalleshi (72′ Balaj), Manaj (90′ Mihaj). Trajner: E. Reja.
VAZHDO TË LEXOSH MË TEPËR PËR TEMËN
Shqipëria e mbyll në avantazh pjesën e parë
Gjermania e pëson në limit, Spanja “vjedh” një pikë
