Në dimër prurjet e lumit Vjosë janë të mëdha dhe mijëra hektarë përmbyten çdo vit mes Fierit e Vlorës.
Për këtë arsye 42 milion lekë të reja janë investuar për ndërtimin e pesë paneleve mbrojtëse në Lumin Vjosa për të shmangur përmbytjet në rrjedhën e saj të poshtme!
Puna ka nisur prej muajsh dhe pritet të finalizohet para nisjes së reshjeve.
Ndërsa tokat bujqësore përmbyten nga prurjet e Vjosës, qyteti i Vlorës përmbytet nga ujërat e zeza sa herë ka reshje intensive.
Shkak sipas ndërmarrjes së Ujësjellës Kanalizimeve bëhet bllokimi i filtrave fundore për shkak të mbetjeve që hidhen në rrjet nga vetë qytetarët.
“Çdo gjë që është e ardhur aty në filtrat e ujësjellsit të kanalizimeve të qytetit, ka ardhur nga papërgjeshmëria qytetare. Ndërhyrjet synojnë shmangien e përmbytjeve në qytet apo tokave bujqësore ku vitin e kaluar u vunë nën ujë mbi 10 mijë hektarë”, thotë kryebashkiaku Dritan Leli.
