14.09.2020 - 13:29
Gati 100 ushtarë nga Garda Kombëtare Ushtarake e Iowa’s janë nisur për t’iu bashkuar misionit të NATO’s në Kosovë.
Siç u bë e ditur nga një publikim i “Siouxlandnews”, 95 ushtarë u nisën nga “Red Rose” në Sioux City, pas një ceremonie ku morën pjesë pak persona, për shkak të Covid-19.
Të njëjtit, pritet të shërbejnë në Kosovë për rreth një vit, teksa i bashkohen edhe 370 trupave të tjerë amerikane që ndodhen në shërbim në vendin tonë.
“Këta burra dhe gra të guximshëm do të jenë në këtë mision për një vit. Faleminderit për shërbimin tuaj”, thuhet në publikimin e ‘Siouxlandnews’.
Kujtojmë se SHBA ndër vite ka dërguar shumë trupa në Kosovë, si pjesë e misionit paqeruajtës.
