Shtatzënia mund të vonojë shfaqjen e sklerozës multiple ose skleroza e shumëfishtë sic njihet ndryshe (MS) me më shumë se tre vjet, raportojnë studiuesit.
Studimi ndërkombëtar zbuloi se ato gra që kishin qenë shtatzënë kishin simptomat e para të MS mesatarisht 3.3 vjet më vonë sesa ata që nuk do të kishin qenë kurrë shtatzënë.
Të lindurit e një foshnjë, kishtë vonuar fillimin e MS me një mesatare prej 3.4 vjetësh, raportuan studiuesit.
Më shumë se 2.5 milion njerëz në të gjithë botën kanë MS, e cila është katër herë më e zakonshme tek gratë sesa burrat.
Dhe MS diagnostikohet shpesh në gratë gjatë viteve të lindjes. Këto zbulime të reja mund të ndihmojnë në përmirësimin e të kuptuarit të shkaqeve të MS dhe potencialin për terapi hormonale për të vonuar shfaqjen e simptomave, sipas studiuesve.
Shtatzënia mund të zvogëlojë mbivlerësimin jonormal të sistemit imunitar që shkakton MS, potencialisht afatgjatë, tha udhëheqësja e studimit Vilija Jokubaitis, e departamentit të neuroshkencës në Universitetin Monash në Australi.
“Aktualisht, ne nuk e dimë saktësisht se si shtatzënia ngadalëson zhvillimin e MS, por ne besojmë se ka të bëjë me ndryshimet e bëra në ADN-në e një gruaje. Tani po kërkojmë mundësi financimi për të eksploruar këtë mundësi emocionuese,” tha ajo.
Studimi përfshiu të dhëna për më shumë se 3,600 gra të kontrolluara në katër klinika për sklerozën e shumëfishte në Australi dhe Republikën Çeke.
Studiuesit u mbështetën në bazën e të dhënave MSBase për njerëzit me MS në 35 vende. Baza e të dhënave drejtohet nga bashkëautori I studimit Helmut Butzkueven, gjithashtu i departamentit të neuroshkencës së universitetit.
Baza e të dhënave është e paçmuar për kërkime afatgjata në MS, tha Butzkueven.
“Të dhënat sigurojnë një pamje të madhe të shkaqeve të MS, si ky dokument, dhe gjithashtu ndihmon klinicistët të vendosin për strategjitë më të mira të trajtimit për të parandaluar aftësinë e kufizuar afatgjatë në MS,” vuri në dukje Butzkueven.
“Shumë prej pyetjeve tona të rëndësishme kanë nevojë për 10 vjet ose më shumë për të marrë përgjigjet, dhe vetëm grupe të të dhënave sistematike afatgjata të regjistrit si MSBase, mund ta bëjnë këtë.”
Rezultatet e studimit u botuan më 14 shtator në revistën JAMA Neurology.
