Kryeministri Rama thotë se nga java e ardhshme në Shqipëri mbajtja e maskës do jetë e detyrueshme në të gjitha ambientet, e hapura dhe të mbyllura, përveçse në shtëpi dhe në restorante kur qytetarët ulen për të ngrënë.
“Nga java e ardhshme, maska do jetë e detyrueshme kudo. Përveç shtëpisë dhe dhe restorantit, kur jeni duke konsumuar, atë pjesë të kohës aty. Maska do jetë e detyrueshme në çdo mjedis, në çdo rrugë, në çdo hapësirë publike. Masa ndëshkimore do zbatohet për të gjithë te fatura e dritave. Mos të ketë asnjë iluzon asnjë individ se mund t’i shmanget gjobës”, tha Rama në një konferëncë për mediat, të pa paralajmëruar.
“Këto inspektime do i bëj Policia Bashkiake dhe Polia e Shtetit. Nuk do përdorim inspektorë. Në autobus, në makinë, në trotuar, në shesh, në park, në rrugë. Mbajtja e maskës do jetë e detyrueshme”, tha Rama.
