Ish-sulmuesi i Kombëtare shqiptare, dikur edhe kapiten, Igli Tare, ka folur në lidhje me ekpin kuqezi. Në një lidhje direkte nga Italia për “Wake Up” në “Top Channel”, drejtori sportiv i Lazios pohoi se u duhet dhënë pak kohë djemve të rinj.
“E ndjek sipas mundësive Kombëtaren, por jam i azhornuar me situatën. I kuptoj tifozët, ata gjithnjë duan fitore, kjo është mëse normale në sport dhe në futboll. Për mendimin tim, Reja është duke punuar mirë, po ndërron brezat.
Ndërrimi i gjeneratave nuk mund të bëhet me 2-3 ndeshje, kështu që më shumë se duhet dhënë kohë trajnerit, mendoj se u duhet dhënë kohë djemve të rinj që kanë ardhur së fundmi. Duke njohur eksperiencën e Rejas dhe aftësitë e tij, intuita më thotë se po bën gjënë e duhur” – u shpreh Tare.
Drejtori sportiv i Lazios foli edhe dy djemtë e tij, të përfshirë me ekipet bardhekaltër: “Djali i madh është te Primavera, ndërsa i vogli me ekipet e moshave. Po tregohem i kujdesshëm me të madhin. E di presionin që bie mbi të duke pasur një mbiemër që njihet në shpinë.
Dëshiroj që ai të luajë me pasion dhe të stërvitet me dëshirë, të ndjekë ëndrrat e tij, mua aty më ka me ndonjë këshillë, gjithnjë duke u treguar i kujdesshëm nga pozicioni që kam. I vogli ende nuk e ndjen presionin. Personalisht, nuk dua që ata me patjetër të ndjekin rrugën time, por nëse bëhen të zotë, do më vinte mirë.”
VAZHDO TË LEXOSH MË TEPËR PËR TEMËN
Cilën kombëtare? Djali i Igli Tares bën zgjedhjen
“Tare flet 5 gjuhë, perfeksionist i palodhur”
