Turqia ka dërguar një tjetër anije lundrimi, ndërsa përgatitet të zhvillojë aktivitete të kërkimit sizmik në Mesdheun Lindor deri më 4 nëntor.
Sipas një njoftimi të bërë dje, misioni 10-ditor do të kryhet nga anija kërkimore sizmike “Oruç Reis” që nga sot.
Një Navtex është një sistem i komunikimit detar që lejon anijet të informojnë anijet e tjera për praninë e tyre në një zonë, si dhe informacione të tjera.
“Oruç Reis” do të kryejë studime sizmike në Mesdheun Lindor së bashku me dy anije të tjera, Ataman dhe Cengiz Han.
Ajo do të kryejë sondazhe të ndryshme gjeologjike, gjeofizike, hidrografike dhe oqeanografike, veçanërisht të shelfit kontinental, ndërsa gjithashtu kërkon për burime natyrore.
Një njoftim i mëparshëm planifikoi punë studimi në zonë deri më 27 tetor.
Anëtarët e NATO-s, Turqia dhe Greqia janë në mosmarrëveshje rreth pretendimeve kontradiktore për burimet e hidrokarbureve në Mesdheun Lindor dhe pikëpamjeve të mbivendosura mbi shtrirjen e rafteve të tyre kontinentale.
Ankaraja akuzon Athinën për ndjekjen e politikave maksimaliste në rajon dhe nënvizon se pretendimet e saj detare përbëjnë një shkelje të të drejtave sovrane të Turqisë.
Turqia ka thënë gjithashtu që burimet e energjisë pranë ishullit të Qipros duhet të ndahen në mënyrë të drejtë midis Republikës Turke të Qipros Veriore (TRNC) dhe administratës Greke Qipriote.
Oruç Reis ishte kthyer në portin turk të Antalias në mes të shtatorit, pasi koha e saj në det, siç përcaktohet në deklaratën e saj të fundit Navtex, mori fund.
Puna e kërkimit të anijes fillimisht ishte planifikuar të zgjaste deri më 1 shtator por më vonë u zgjat deri më 12 shtator, me pritjen e një zgjatje tjetër më vonë, duke vazhduar deri më 25 shtator.
Shumë argumentojnë, megjithatë, se bisedimet midis Turqisë dhe Greqisë të nisura nga NATO muajin e kaluar janë arsyet kryesore prapa ndërprerjes së punës së anijes në mënyrë që të rrisin dialogun dhe të lehtësojnë tensionet.
Akoma, Turqia theksoi shumë herë se puna e anijes do të vazhdonte pas një pauze të shkurtër pasi vendosmëria e vendit për të ruajtur të drejtat e saj në rajon mbetet e fortë.
Aktivitetet e Oruç Reis rifilluan në fillim të këtij muaji pasi Ministria e Jashtme e Turqisë lëshoi një deklaratë duke akuzuar Greqinë për “jo sinqeritet” për ato që tha se ishin veprimet e vazhdueshme të Athinës për të rritur tensionin ndërsa deklaroi se ishte gati për dialog.
Ndër të tjera, ministria akuzoi Greqinë për shpalljen e stërvitjeve ushtarake në Detin Egje që përkojnë me festimet e ditës kombëtare të 29 tetorit të Turqisë.
Turqia u hakmor duke deklaruar stërvitje më 28 tetor, tha deklarata. Të Premten, të dy kombet anuluan operacionet e tyre të planifikuara ushtarake si një shfaqje e vullnetit të mirë për takimet të NATO-s.
Përkthyer dhe përshtatur nga: Dailynews/ F.H, konica.al
