03.11.2020 - 09:57
Shqipëria ka vendosur të rrisë nivelin e sigurisë pas sulmeve terroriste që janë shënuar ditët e fundit në Francë dhe së fundmi në Vjenë.
Bëhet me dije se do të ketë shkëmbime në kohë reale të informacionit me antiterrorin në Europë si dhe Shqipëria do të marrë masa shtesë të sigurisë deri në fund të vitit.
Mësohet se masat e sigurisë janë rritur me agjente civilë në ambiente publike me prani të madhe njerëzish, në aeroporte, porte dhe pika kufitare, raporton ‘reporttv’. Masa shtesë të sigurisë do të merren edhe në selitë diplomatike në vend.
Raportohet se Shqipëria ka rritur nivelin e sigurisë nga jeshile në portokalli.
Në vendin tonë kanë hyrë mbi 30 shtetas të huaj për të cilët ka patur indicie për aktivitete me prirje ekstremiste.
