Kryeministri i Shqipërisë, Edi Rama i ka shprehur hapur mbështetjen Hashim Thaçit pasi ky i fundit dha doreheqjen nga posti i Presidentit.
Thaçit sot iu konfirmua aktakuza nga Gjykata Speciale në Hagë, por për Ramën ky është një proces absurd.
Për më tepër ai thotë se drejtësia e Luftës Cclirimtare në Kosova është e pacënueshme kurse me procesin ndaj Thaçit do të vuloset përfundimisht pastërtia e UÇK-së.
STATUSI NGA EDI RAMA
Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj????.
Presidenti i Republikës, po ashtu ka reaguar pas dorëheqjes së Hashim Thaçit nga posti i Presidentit të Kosovës, pas vërtetimit të aktakuzave.
Në një status në Facebook, Meta thotë se vlerëson aktin e Hashim Thaçit, ndërsa shprehet se ky është një moment reflektimi për të forcuar më shumë bashkëpunimin,.
“Lufta e Ushtrisë Çlirimtare të Kosovës ka qenë e drejtë dhe heroike.
Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e Tij e të gjithë bashkëluftëtarëve, sikundër është konfirmuar edhe në të kaluarën.
Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar”, shkruan Meta.
