Joe Biden është bërë kandidati i parë presidencial që fiton më shumë se 80 milion vota, me numrin e tij rekord të votave popullore që ende ka të ngjarë të rritet në ditët e ardhshme ndërsa fletët e votimit vazhdojnë të numërohen në të gjithë vendin.
Që nga e marta në mbrëmje, Biden kishte fituar më shumë se 80,011,000 vota, ndërsa Presidenti Donald Trump ka më shumë se 73,800,000.
Votat e Presidentit e bëjnë Trump kandidatin që do të fitojë numrin e dytë më të lartë të votave popullore në historinë amerikane.
Biden ka fituar 306 vota elektorale, ndërsa Trump ka 232. Duhen dyqind e shtatëdhjetë vota elektorale për t’u bërë president dhe fitues kudo në media është shpallur Biden ndërsa vijon ende numërimi i votave.
Amerikanët votuan me postë në numër rekord këtë vit për të mbrojtur veten nga ekspozimi ndaj koronavirusit në mes të një pandemie globale dhe ekspertët kishin paralajmëruar për muaj me radhë se do të kishte një numërim të gjatë votash që mund të zgjaste për ditë pas Ditës së Zgjedhjeve.
Rekordi i ri i vendosur nga Biden përforcon fitoren e tij vendimtare ndaj Trump, i cili ende nuk ka pranuar zgjedhjet edhe kur administrata e tij ka filluar procesin zyrtar të tranzicionit presidencial pasi Administrata e Shërbimeve të Përgjithshme njohu fitoren të hënën.
Një numër shtetesh kanë filluar të certifikojnë rezultatet e tyre të zgjedhjeve, duke përfshirë Pensilvaninë dhe Nevadën dhe që të dy përfunduan çertifikimin e tyre të martën.
Çertifikimet e së martës pasuan një takim të hënën të bordit zgjedhor shtetëror të Miçiganit, i cili gjithashtu votoi për të vërtetuar rezultatet e zgjedhjeve për Biden pasi një nga dy anëtarët republikanë të bordit vendosi të abstenojë.
Përkthyer dhe përshtatur nga CNN/ F.H, konica.al
VAZHDO TË LEXOSH MË TEPËR PËR TEMËN
