18.12.2020 - 12:35
Një peshkaqen rreth 600 kg ka rënë gjatë natës në rrjetat e peshkatarëve të Vlorës disa milje detare larg ishullit të Sazanit. Peshkaqeni u kap në ujërat neutrale rreth 10 milje larg Sazanit, në një thellësi rreth 500 m.
Peshkaqeni, që sipas peshkatarëve është një specie e rrallë në këto ujëra, është kapur në thellësi rreth 600 metra.
Peshkatari Petrit Lamani tregon se anija e tij kishte tre dite në det.
Kjo specie e quajtur peshkaqeni DEM është një grabitqar i rrezikshëm, që jeton në një thellësi 500-600 metra. Ai është gjashtë metra i gjatë dhe madhësia, por dhe dhëmbët e mprehtë e kanë bërë të vështirë nxjerrjen e tij nga rrjetat.
Ky peshkaqen është i rrallë edhe për peshkatarë me 40 vite eksperience si Petriti, i cili thotë se nuk është hera e parë që në rrjetat e tij bie një specie e këtillë, pasi në ujërat e Adriatikut ka peshkaqenë të mëdhenj, por jo të kësaj madhësie, peshe e rrezikshmërie.
