Ministri i Brendshëm, Bledi Çuçi sot në daljen e parë publike për në media, sqaroi dhe njëherë fjalët e paraardhësit e tij Lleshaj kur tha se “Çuçi ka ardhur pa dëshirën e tij”.
Në “open” Çuçi tha se nuk kishte dijeni për emërimin, por dëshirën e kishte për sa kohë është në ekipin Rama.
Çuçi tregoi se lajmin ia dha Soreca teksa ishin bashkë në një aktivitet të rëndësishëm.
Çuçi: Nuk është çështje mosdëshire, por mosdijenie. Ish-ministri Lleshaj në pjesën e parë të fjalisë tha nuk kishte etje për këtë post. Ishim në një aktivitet bashkë me Sorecën, dhe aty e mësova lajmin. Aty ma tregoi twitt-in. Befasi për mua, por nuk ka asgjë të jashtëzakkonshme. Unë thjesht nuk e prisja, jo se nuk mund ti bëj dot këto detyra, mund të bëj dhe të tjera. Thjesht kisha disa projekte të rëndësishme në sektorin e bujqësisë, isha i fokusuar aty ndaj dhe habia ishte e madhe. Në një ekip trajneri mund të ndërrojë lojtarët dhe pozicionet sa herë ta shoh të nevojshme. Derisa unë jam pjesë e ekipit i bië që jam i gatshëm të kryej detyrat. Befasia erdhi se unë isha në mes të disa projekteve të rëndësishme në projektin e bujqësisë, që më e rëndësishmja ishte shpërndarja e naftës pa akcizë për fermerët.
Vasili: Thonë se Rama po sillet si autokrat që merr vendime vetë pa pyetur…
Çuçi: Nëse do isha jashtë skuadrës mund të ishte ndonjë reagim tjetër, mund të pyetesha. Por unë jam në ekip, jam në lojë dhe s’ka nevojë të pyetëm. Sepse unë pëlqimin e kam dhënë kur kam hyrë në ekip.
Vasili: Ministria e Brendshme është pak delikate, disa të tjerë thonë se Rama po afron pranë vetes njerëzit e afërt.
Çuçi: Unë jam një ndër 12 më të rëndësishmit e PS, dhe në këtë pikpamje nuk besoj të ketë ndonjë dyshimin për angazhimin tim politik.
