03.01.2021 - 23:01
Barcelona është rikthyer te fitorja. Me rikthimin e Lionel Messit, edhe katalanasit marrin 3 pikët, në një ndeshje në transfertë që vlen shumë në këtë fillim viti.
Ndeshja është zhbllokuar në minutën e 27-të. Kanë qenë katalanasit që kanë kaluar në avantazh falë një goli të De Jong. Holandezi ka shënuar me lehtësi pas asistit perfekt të Leo Messi-t.
Në fakt, ky ka qenë goli i vetëm i takimit. Një gol me vlerën e tri pikëve, që ngjit Barcelonën në vendin e pestë, 10 pikë larg kreut, që mbahet nga Atletico Madrid.
