Qindra mbështetës të presidentit aktual Trump sulmuan Kapitolin në sfidën më të ashpër ndaj demokracisë amerikane që nga lufta civile.
Kapitoli amerikan, selia e demokracisë amerikane, është sulmuar nga një turmë pro-Donald Trump, e nxitur nga presidenti në një përpjekje të dëshpëruar dhe të dhunshme për të përmbysur rezultatet e zgjedhjeve.
Pak minuta pasi u përhap lajmi se zv.presidenti kishte njoftuar se ai nuk do t’u bindej urdhërave të presidentit për të anuluar rezultatin e zgjedhjeve, qindra protestues pro-Trump thyen barrierat përreth ndërtesës së Kapitolit dhe u ngritën përpara.
Pamjet nga brenda ndërtesës treguan se disa protestues pro-Trump kishin arritur në një nga dyert e Kapitolit dhe kishin thyer xhamat.
Një grup arriti të shkonte në atriumin e Senatit Rotunda, duke mbajtur flamuj të Konfederatës. Të paktën një person u qëllua dhe u plagos nga oficerët e sigurisë brenda Kapitolit. Disa policë u plagosën gjithashtu.
Është sfida më e rëndë për sistemin demokratik të SHBA-së që nga lufta civile dhe detyroi pezullimin e një seance të përbashkët të Kongresit që ishte mbledhur për të vërtetuar rezultatet e zgjedhjeve presidenciale të nëntorit.
Anëtarëve të Kongresit u tha që të vendosnin maska gazi pasi lotët u hapën në Rotunda të Kapitolit të SHBA, dhe udhëheqësi i shumicës së Senatit, Mitch McConnell, dhe senatorë të tjerë u nxorrën jashtë, të shoqëruar nga stafi dhe policia.
Në kryeqytet u shpall një shtetrrethim në orën 18:00, dhe Pentagoni tha se rreth 1,100 roje do të vendosen për të ndihmuar mbështetjen e agjencive të zbatimit të ligjit. Dhe disa qindra milje larg në Xhorxhia, votat po numëroheshin në zgjedhjet e balotazhit. Demokratët Raphael Warnock dhe Jon Ossoff të dy fituan garat e tyre, duke u dhënë Demokratëve kontrollin e Senatit.
Turmave në Uashington, megjithatë, u ishte thënë nga udhëheqësi i tyre se votat kundër tij ishin manipuluar dhe u tha të marshonin në Kapitol për të “rezistuar me këmbëngulje për integritetin e zgjedhjeve tona” dhe për të “shpëtuar demokracinë tonë”.
Trump u tha atyre të mblidheshin në Kongres “në mënyrë paqësore dhe patriotike” por rendi u prish vetëm disa minuta pasi ai foli. Turma, nxituan drejt Kapitolit, duke e detyruar policinë të tërhiqej ndëra hodhën tymuese dhe bojë nga katet më të larta për të ndaluar turmën.
Radhat me roje kombëtare dhe agjencive federale që kishin përzënë protestuesit paqësorë për vrasjen e një njeriu me ngjyrë nga rrugët përreth Shtëpisë së Bardhë gjatë verës nuk u dukën askund.
Me këto trazira procedurat dhe traditat demokratike për të cilat deri më tani SHBA ka qenë kaq krenare, janë transformuar nga oratoria këmbëngulëse e udhëheqësit të tyre për tradhëtinë. Ndërsa protestuesit bënin selfie brenda dhomës dhe zyrave të Senatit, Trump shkroi në Tëitter “Mos harroni, Ne jemi Partia e Ligjit dhe Rendit respektojmë Ligjin dhe burrat dhe gratë tona në Blu.”
Por presidenti në largim u vu nën presion në rritje nga aleatët për të dënuar dhunën.
Joe Biden u ankua për “sulmin ndaj shtetit të së drejtës” në Uashington, një “kështjellë e lirisë”. “Skenat e kaosit në Kapitol nuk pasqyrojnë një Amerikë të vërtetë, nuk përfaqësojnë atë që jemi”, tha presidenti i zgjedhur. “Ajo që ne po shohim është një numër i vogël ekstremistësh të përkushtuar ndaj paligjshmërisë.”
Biden tha se dhuna në Kapitol “ngjan me kryengritjen” dhe “duhet të marrë fund tani”. “Unë i bëj thirrje Presidentit Trump të shkojë në televizionin kombëtar tani, për të përmbushur betimin e tij dhe për të mbrojtur kushtetutën dhe të kërkojë fundin e këtij rrethimi,” tha Biden. “Nuk është një protestë; eshte kryengritje Bota po e shikon.”
Zv. Presidenti i Trump u bëri thirrje protestuesve të largohen menjëherë nga Kapitoli, duke shkuar më larg se Trump i cili thjesht bëri thirrje për të “vepruar në paqe”. Në një status në Twitter Pence tha, “Ky sulm ndaj Kapitolit tonë nuk do të tolerohet dhe ata që përfshihen do të ndiqen penalisht në masën më të plotë të ligjit.”
Disa orë pasi mbështetësit e tij kishin sulmuar Kapitolin, Trump ndau një video ku u thoshte protestuesve: “Shkoni në shtëpi, ju duam, jeni shumë të veçantë”. Por ai gjithashtu përdori videon për të përsëritur pretendimet e tij të pabazuara në lidhje me votën “e vjedhur”.
Në skajin tjetër, gjysmë ore para se të rrethohej Kapitoli, presidenti i mundur kishte krijuar një pamje të zymtë. Ata republikanë që votuan për të përmbysur zgjedhjet ishin patriotë, dhe të tjerët ishin “të dobët” dhe “patetikë” duke lejuar demokratët të shkatërronin vendin. Trump veçoi zv.presidentin e tij, Pence, i cili deri të mërkurën kishte qenë besnik.
“Mike Pence do të duhet të vijë për ne, dhe nëse ai nuk e bën, kjo do të jetë një ditë e trishtuar për vendin tonë,” bërtiti Trump nga një skenë që ishte ngritur një bllok nga Shtëpia e Bardhë, për një turmë që ishte mbledhur pranë kopshtit.
Ndërsa presidenti po fliste, Pence për herë të pare ishte, duke bërë të kundërtën e asaj që i ishte thënë nga shefi i tij. Ai zyrtarisht njoftoi Kongresin se roli i tij ishte ceremonial, për të lexuar rezultatet e zgjedhjeve, për të mos i ndryshuar ato.
Trump u kishte premtuar mbështetësve të tij se do t’i shoqëronte në rrugëtimin e tyre për në Kapitol, por në vend të kësaj shkoi me makinën e tij përsëri në Shtëpinë e Bardhë, nga ku postoi një status në Tëitter duke fajësuar Pence të cilin ai pretendonte se “nuk kishte guximin” për të mbrojtur vendin dhe kushtetutën.
“Fuck Your Feelings, Trump 2020”, ishte mesazhi në bluzat e veshura nga disa persona. Disa prej flamujve kishin të shkruar: “Fuck Biden”. Turma ishte një përzierje e moshave mesatare dhe të moshuarve, burra dhe gra, gjithashtu edhe të rinj. Një në 10 ishin maskuar në pamje.
Një person i pranishëm që po shihte ngjarjet tha: Mendoj se Trump ka provuar gjithçka dhe i ka mbetur vetëm të thërrasë ushtrinë dhe të ndërhyjë me ta vetëm sepse ka fuqinë ta bëjë këtë gjë.
Përkthyer dhe përshtatur nga The Guardian/ Konica.al
VAZHDO TË LEXOSH MË TEPËR PËR TEMËN
