Me besimin se, presidenti Trump po bën një luftë të fshehtë kundër një zinxhiri të fuqishëm pedofil satanik dhe kundër njerëzve-hardhucë, që e sundojnë botën. Kanë përsëritur për muaj me radhë, se Trump fitoi zgjedhjet por u grabit, ndaj është logjike që morën pjesë në përpjekjen për grushtin e shtetit./Konica.al
Një nga drejtuesit e komunitetit QAnon të Arizonës, Jake Agnelli, është figura më shprehëse e dhunshës së mbështetësve të Trump-it në Kongres.
Ai është këngëtari dhe aktori nga Arizona, pak i njohur dhe jo shumë i suksesshëm. I njohur gjithashtu si Q Shaman, Jake Agnelli është udhëheqësi i kësaj lëvizje konspirative që FBI ka vënë në listën e organizatave potencialisht të rrezikshme, por Donald Trump është i lumtur dhe shpesh, ndan postimet e tyre, plot teori të pabesueshme konspirative.
I zhveshur deri në bel, fytyrë të pikturuar me të kuqe, të bardhë dhe blu, me një kokore vikingësh, prej lëkure kafshësh e brirë, Angelli është bërë një figurë simbolike në lëvizjen e teorisë së komplotit, gjatë vitit të kaluar.
Personazhi me brirët e buallit në kokë, bëri selfie rreth Kapitolit, të mërkurën dhe marshoi nëpër ambientet e Kongresit, me një megafon në duar.
QAnon, sikur raporton Faktograf, është një derivat i Q Anonymous, kështu që në përkthim fjalë për fjalë anonim Q. Facebook dhe rrjete të tjera sociale ndalojnë mijëra faqet e tyre, me trillime të çmendura, por Trump i mbështet ata dhe kandidatët e tyre, fitojnë listat zgjedhore.
Ndjekësit e QAnon kanë luajtur një rol të rëndësishëm në protestat “Stop Vjedhjes” në dy muajt e fundit, që kur Joe Biden fitoi zgjedhjet presidenciale në SHBA.
E mërkura, për shumë QAnons që festuan rrethimin e Kongresit, shënoi “hapin e parë” të një lloj lufte civile, thekson Business Insider.
”Q Shaman” është një nga shumë personazhet në botën e gjallë të QAnon, punimet e të cilit, frymëzojnë dhe ndikojnë te të tjerët, kështu që aktori pak i njohur i Arizonës, gëzon popullaritet të konsiderueshëm brenda lëvizjes.
Pasditen e të mërkurës, ai mori mikrofonin jashtë ndërtesës së Kapitolit dhe u bëri thirrje njerëzve të shpërndahen, raportoi New York Times. Ai e kaloi një pjesë të rinisë në përpjekje të njihej si aktor dhe më pas si këngëtar, por pa qenë i suksesshëm.
