Shirat e ditëve të fundit kanë sjellë pasoja të mëdha në vend.
Shumë lumenj kanë dalë nga shtrati, duke përmbytur edhe tokat aty pranë.
Ndërkohë, Policia e Shtetit përmes një njoftimi zyrtar ka kërkuar nga përdoruesit e automjeteve që të shmangin akset problematike.
Në njoftim thuhet se problemet serioze janë kryesisht në jug të vendit, si dhe në qytete si Lezhë, Shkodër dhe Dibër.
Reagimi:
Shirat e rrëmbyeshëm që kanë rënë pandërprerë gjatë orëve të fundit kanë shkaktuar problematika serioze, kryesisht në pjesën jugore të vendit, por edhe në Lezhë, Shkodër e Dibër.
Ashtu si autoritetet e emergjencave apo ato të infrastrukturës, edhe shërbimet e Policisë Rrugore kanë shtuar prezencën e shërbimeve në akset problematike.
Policia e Shtetit udhëzon qytetarët të shmangin lëvizjet në zonat e prekura nga vërshimi i ujërave, si dhe të bëjnë kujdes të shtuar e t’iu përgjigjen pa humbur kohë thirrjeve të autoriteteve shtetërore, në rast emergjencash.
