Joe Biden di mjaft për presidencën e SHBA për të kuptuar se javët e para janë më të lehtat dhe më të këndshmet.
Në mënyrë të pashmangshme do të ketë pengesa dhe kriza, veçanërisht për një president i cili mori detyrën mes një pandemie të furishme, kolapsi ekonomik dhe një krize klimatike.
Në javët e para një president i ri mund të arrijë shumë përmes urdhrave ekzekutivë, duke ndryshuar politikat e mëparshme të administratës dhe duke sinjalizuar një angazhim ndaj vlerave të caktuara pa ndërhyrje nga Kongresi.
Biden mund të përdorë fuqitë e zyrës së tij në mënyrë të njëanshme për përparësinë e tij: kontrollimin e pandemisë.
Presidenti i ri gjithashtu ka liri në emërimin e kabinetit të tij. Kur ai njoftoi për herë të parë emrat e zgjedhur pë shumë pozicione të larta këshilluese dhe kabineti, shumë vëzhgues u shqetësuan se Biden po kthehej te emrat e djeshëm për të trajtuar punët më të kërkuara të sotme.
Biden e ka përvojën si çelësin e tij për suksesin.
Emërimi i gjyqtarit të Gjykatës Federale të Apelit të SHBA Merrick Garland, për ata që e njohin, është një zgjedhje e shkëlqyer.
Në mënyrë të ngjashme, shefi i shtabit të Biden, Ron Klain, është pothuajse po aq me përvojë sa shefi i tij, pasi ka shërbyer si shef i shtabit te Biden dikur. Kjo marrëdhënie e ka ndihmuar Biden të mos gabojë deri më tani.
Marrëdhënia e Biden me Obamën dhe trashëgimia e tij janë më të komplikuara sesa duket.
Biden qëllimisht i përshkruan propozimet e tij si “të guximshme”. Propozimet e tij të emigracionit bien në kundërshtim me politikën e Obamës për dëbime të emigrantëve të paligjshëm.
Mesazhi duket të jetë se Biden nuk do të qëndrojë më në hijen e Obamës.
Biden po luan gjithashtu një lojë të sofistikuar me të majtën e partisë së tij.
Ai arriti të formonte një qeveri pa u dhënë punë senatorëve Elizabeth Warren ose Bernie Sanders, të dy kërkuan të bashkoheshin në kabinetin e tij.
Ndjekësit e Sanders madje kërcënuan Biden. Sanders nuk vonoi shumë para se të merrte me mend propozimet e politikës së Biden. Por kjo është pjesë e shfaqjes.
Biden ka miratuar shumë nga axhenda e së majtës dhe do të përpiqet të shesë këto politika nga qendra, shtëpia e tij politike.
Një shenjë e këtij ndryshimi është se, ndryshe nga të gjitha administratat e fundit Demokratike, Biden nuk ka paguar respekt ndaj Wall Street duke i dhënë bankierëve vendet e para të punës.
Sekretarja e re e Thesarit, Janet Yellen, është një ish-kryetare dhe akademike e Rezervës Federale e cila e ka bërë të qartë se ajo i kupton nevojat e ngutshme shoqërore të vendit. Për më tepër, Biden u këshillua me Warren për pikëpamjet e saj ekonomike dhe ka emëruar një ish këshilltar të Warren si zëvendësin e Yellen.
Pas presidencës së Trump, u duk se mandati i Biden do të ishte “i shurdhër”.
Por Biden po vjen më i ashpër dhe më befasues sesa njerëzit menduan se do të ishte.
Deri më tani – dhe për të qenë të sigurt se është herët – presidenca e Biden po del të jetë më interesante dhe befasuese nga sa pritej.
Elizabeth Drew është një gazetare me bazë në Uashington dhe autore, së fundmi, e Washington Journal: Reporting Watergate dhe Richard Nixon’s Downfall.
Përkthyer dhe përshtatur nga Project Syndicate/ konica.al
VAZHDO TË LEXOSH MË TEPËR PËR TEMËN
“Situatë kaotike”! Trump i përgjigjet ashpër Obamës
“Krimi më i madh politik”, pse Trump e akuzon Obamën…
Amerika nuk është çfarë Trump krijoi!
