Mediat iberike publikuan 10 futbollistët që kanë shënuar më shumë gola nga goditjet e lira, duke llogaritur si hark kohor 5 vitet e fundit. Në shqyrtim janë marrë vetëm 5 ligat kryesore evropiane, ato që konsiderohen elitë.
Kryeson Leo Messi i Barcelonës me 21 gola nga ky specialitet. Goli i fundit ndaj Athletic Bilbao tregoi edhe njëherë instiktin vrasës nga goditjet në kufi të zonës. Askush nuk i afrohet Lionel Messit në këtë specialitet.
Mjafton të shohim se i dyti në këtë renditje është Kolarov me 8 gola, pra 13 më pak se Messi. Po 8 gola ka edhe Ward Prowse i Southampton, ndërsa ndjekin Dybala i Juventus dhe Aspas i Celta Vigos me 7 gola nga goditjet e dënimit.
Në këtë renditje speciale është edhe një shqiptar që spikast në goditjet e lira afër zonës. Ai është Enis Bardhi që aktivizohet te Levante dhe përfaqëson Maqedoninë e Veriut në kombëtare.
Mesfushori shqiptar ka shënuar 6 gola në këtë mënyrë dhe të gjithë në La Liga e krahasojnë me Messin për nga mënyra e ekzekutimit dhe zgjuarsisë së gjuajtjes. Po gjashtë nga ky specialitet në 5 vitet e fundit kanë edhe Parejo i Villarreal, Fekir i Betis dhe Verdi Torinos. Siç shihet, në La Liga ka më shumë specialistë nga goditjet e lira.
VAZHDO TË LEXOSH MË TEPËR PËR TEMËN
Pandemia tkurri merkaton, 80% më pak blerje se vjet
