Një profesor në Mbretërinë e Bashkuar thotë se po gjen akoma më shumë pacientë COVID-19 që raportojnë probleme me gojën, të tilla si ndryshimi i ngjyrës dhe zgjerimi i gjuhës.
“Jemi duke parë një numër në rritje të “gjuhëve Covid” dhe ulçera të çuditshme në gojë. Nëse keni një simptomë të çuditshme apo edhe thjesht dhimbje koke dhe lodhje qëndroni në shtëpi! ” tha Tim Spector, një profesor i epidemiologjisë gjenetike në King’s College të Londrës, i cili përfshiu një nga fotot e shumë gjuhëve që merr çdo ditë.
“Cdo mëngjes merrja mesazhe dhe foto nga njerëzit që kishin probleme me gjuhën që përkonin me simptomat e Covid si ethe dhe lodhje – por kjo i hutonte mjekët. I lumtur për të ndarë këtë informacion në mënyrë që të gjithë të bëhemi të vetëdijshëm … ”tha ai.
Spector tha se 35% e njerëzve kanë simptoma jo klasike të COVID në 3 ditët e para, të tilla si “skuqje të lëkurës, gishtërinjtë e këmbëve dhe simptomat e kovidit që injorohen”.
CDC nuk përfshin gjuhë të fryrë ose të çngjyrosur si simptoma të COVID-19, por lista e simptomave është rritur që nga fillimi i pandemisë.
“Kjo është në një farë mënyre në përputhje me të gjitha gjërat në lidhje me COVID. Kur shpërtheu në skenë, siç më pëlqen të them në mënyrë figurative, ne hapëm librat tanë mjekësorë për COVID dhe kishte vetëm faqe të bardha ”, tha Ëilliam Schaffner, profesor i sëmundjeve infektive në Shkollën e Mjekësisë të Universitetit Vanderbilt në Nashville , sipas NBC Neës.
“Pra, që nga ajo kohë, ne kemi mbushur faqet e zbrazëta dhe mund të ndodhë që kjo të jetë pjesë e sindromës klinike që kanë disa pacientë.”
Mjekët thanë gjithashtu t se një studim i pacientëve spanjollë me COVID zbuloi se pak më shumë se 10% kishin një lloj problemi oral, të tilla si gjuhë të fryrë ose ulçera të gojës.
