Cilat janë pikat e para të kontaktit midis Kolonjës dhe Prespës së Vogël dhe si kanë bashkëpunuar ata?
Në një libër të rrallë të ofruar nga një mik i portalit Konica.al, Sulejman Pashoja, një prespar kolonjar me banim tashmë në Londër, gjithashtu vëllai i pronarit i të famshmes Proper Pizza, Nolian Pashoja, jep një lloj orientimi të lidhjeve të hershme të këtyre krahinave.
Në një pasazh të një libri të vjetër me titullin Administrim Ankesash(Sikayet) në një Provincë Otomane, botuar nga Royal Asiatic Society Books: nga Seria e librave për Ibrahim Pashën e Egjiptit, sipas vitit të ankesave 1781-1783 shprehet në citat:
”Buyruldi u nxor me dekret (i drejtohej) për distriktin e Prespës (Prespa), Gurice (Korça) dhe Bihlişte (Bilishti) se shqiptarët nga distrikti i Kolonjës (Erseka), i cili numëronte më shumë se njëmijë njerëz ishin shpëngulur dhe ishin gati të nguliteshin në rrethinat e distriktit të Serrai. Beqir Aga nga Shërbimi i Brendshëm ishte ngarkuar. Në 8 Zilkade(kalendari islamik) në vitin 1196 (E martë, 15 tetor 1782).”
Ky referim i librit të vjetër, i këtyre të dhënave është marrë nga nga (Cf. Matkovski, Adjutstvoto V/55)
Siç shihet nga libri ata kane dhënë e marrë, janë bashkë në diasporë dhe kanë bashkëvepruar që heret sipas burimeve.
