Analisti Agron Gjekmarkaj i ftuar në rubrikën “Opinion” në News24 ka analizuar zgjedhjet në Kosovë dhe mesazhin që përcolli populli aty me fitoren historike të Vetëvendosjes dhe Albin Kurtit.
Gjekmarkaj thotë se zgjedhjet e Kosovës u zhvilluan pa presion, teksa u pa qartë se ishte fryma e qytetarëve që vendosi zgjedhjet teksa vlerëson edhe Avdullah Hotin për të cilin tha se humbi me nder.
Ai shton se në Shqipëri momentalisht nuk mund të ketë një fenomen Albin, pasi votat i kanë dy partitë e mëdha, teksa partitë e saporkijuara kryesisht të dala nga PD kanë synim vetëm të luftojnë opozitën dhe i shkelin syrin qeverisë.
”Angazhimi i kulturës demokratike meqë kemi 30 vite demokraci, dhe e kemi mtë brishët se Kosova. Ajo që ndodhi në Kosovë, pa i hyër analizës, procesin e brendshëm. Po ta shohësh nga jashtë ishte ngjarje emancipuese për shqiptarët, si u zhvilluan zgjedhjet, të qeta megjithëse në pandemi. Pa presione.
Hoti humbi me nder. Uroj dhe fituesin. Ndërsa fitorja e Kurtit ishte historike. Ajo që më tërhoqi ishte kodi i shoqërisë kosovare, që tregon se e ka të paprekur stofin antropologjik
Triumfi i njeriut të ri në Shqipëri është i projektuar tek veset. Komunizmi në Kosovë ishte fasadë, nuk ka prekur traditën, religjionin. Ky Kod nuk lejon, cubat, hajdutët, vjedhjen e votës të triumfojë ndaj qytetarëve. Janë qytetarët që zhvendosen, nuk joshen nga ofertat e qeverisë por opozita.
Policia, ushtria nuk përdoreshin për t’i dhënë kredo qeverisë dhe Hotit. Nuk kisthe gjoba mbi opozitën për shkelje të ligjeve siç ndodh në Shqipëri. Media që bëjnë diversion mbi opozitën. Koha e daljes së rezultatit, dhe fituesit dhe humbësit e pranuan rezultatin.
Do ndikojnë tek qytetarët, tek lidershipi politik, tek institucionet që menaxhojnë zgjedhjet. Nëse këtu nuk ndikon asgjë, do ngelemi si në kohë të Enverit që hedhin valle në gojë të ujkut. Nëse mbetemi në rrethin vicioz të zgjedhjeve të vjedhura, manipuluara. Do jetë demokraci alla Edi Rama.
Procesi elektoral manipulohet nga të fortët lokalë që tentojnë të frikësojnë e blejnë votën me paratë e krimit. Kanabisi në Shqipëri ka prodhuar shumë para të zezë që mund të prodohet në këto raste. Çështja ësthë si do sillen. Ka qenë kaq i madh fluksi i qytetarëve për rotacion, për ndryshim sa ka bërë nul çdo tentativë hipotetike për të ndryshuar tendencën elektorale në Kosovë.
Në Kosovë ngjarjet i ndryshoi shumë pavarësia dhe lufta. LDK ishte parti unike që majti formatin e saj sa qe gjallë Rugova. Pastaj hynë partitë e Thaçit e Haradinajt. Realiteti politik i Shqipërisë ka mbetur tek PS dhe PD. PS që mbart historikun e Partisë së Punës dhe PD që lindi në dhjetor të 1990.
LSI më pas që mbart më shumë votat e Ilir Metës, ndërkohë këto dy partitë e mëdha kanë mbajtur votat. Në këtë kontekst këto dy parti e kanë solide. Sasi të madhe, për sa kohë të jenë këto dy parti këto do e bëjnë lojën.
Nuk ka ndodhur këtu sepse s’ka koherencë, një parti që shkëputej nga PD e PS dhe të vijonte luftën në opozitë. Pa interes, mos joshen nga asnjë parti. Kurti u bë kryeministër kur ishte shumicë. 2 muaj që më pas i bënë intrigat dhe e rrëzuan, por iu dyfishuan votat.
E pamundur që në Shqipëri këto partitë e dala nga PD të jenë Albin. E kanë luftën me PD, janë aprti individ dhe nga ana tjetër i shkelin syrin qeverisë. Ato rrëzohen me valën e parë. Albini nuk është joshur. S’ka aspiruar për pakt. Ka rrugëtuar 20 vite nga burgjet e Serbisë.
Fakti që Albin Kurti ka krijuar një model, mund të ketë parti që do e imitojnë. Ai kauze pas kauze ja ka dalë të ketë rreth 50% të votave. Të ketë një Albin në Shqipëri, duhet të ketë këtë background elektoral, këto kauza. Albin duhet të jesh nga fillimi në fund, pjesërisht e pamundur.
Do duhet kohë, do kohën e vet. E padrejtë nga pikëpamja objektive sepse hero mund të jetë secili. Ta marrë guximin që mund të komunikojë me publikun, të bëhet shembull për publikun. Nuk duhet të presë ta bëjë komshiu”- tha Gjekmarkaj.
