t
Vaksinat nga Pfizer dhe Moderna përmbajnë kërkesa të ndryshme trajtimi, protokolle ruajtjeje dhe udhëzime për shkrirjen e dozave në kohë.
Magazinimi: Pajisjet që trajtojnë të dy vaksinat duhet të pajisen me tre lloje të ngrirjeve dhe njësive frigoriferike. Një i aftë për të ruajtur vaksinën e Pfizer në ngrirje të madhe, një tjetër për ruajtjen e vaksinës Moderna dhe më pas një frigorifer të përdorur për shkrirjen. Komponentët kryesorë të vaksinave mund të destabilizohen lehtësisht nëse nuk ruhen në temperaturën e duhur.
Ekspertët shëndetësorë kudo në botë kanë treguar se punonjësit shëndetësorë në vendet e vaksinimit vazhdimisht menaxhojnë kohën e ngrirjes, ftohjes dhe shkrirjes. Në të njëjtën kohë, ata duhet të kenë kujdes që vaksinat e shkrirë të mos qëndrojnë të papërdorura përtej periudhave të skadimit. Vaksina Pfizer mund të shkrijë pas hollimit për gjashtë orë para se të skadojë.
Për vaksinën Moderna, afati kohor është gjithashtu gjashtë orë. Menaxhimi dhe regjistrimi i temperaturave të vaksinave kërkon kohë. Në vendet e jashtme, vaksinat duhet të mbahen në ambient konstant në mënyrë që punëtorët të sigurohen që dozat janë në temperaturën e duhur dhe njëkohësisht periudha e kohës nuk duhet të kalohet.
Vaksinatorët duhet të vendosin një kuti që përmban pesë ose gjashtë doza në temperaturën e dhomës për deri në 30 minuta para përgatitjes. Pastaj vaksina duhet të përmbyset 10 herë për të përzier përmbajtjen tërësisht, e më tej mjekët hartojnë një agjent hollues në një shiringë dhe e injektojnë atë në shishen e vaksinës Pfizer. Ata përmbysin shishkën edhe 10 herë të tjera. Tretësira e përzier aplikohet në pesë ose gjashtë doza. Vaksina Moderna nuk kërkon hollim por duhet të tundet me dorë po 10 herë, në moment që shkrijnë dozat. Vaksina Pfizer është e ndjeshme ndaj dritës dhe nuk dueht të aplikohet në ambient i cili ka dritë.
Vaksinat kanë qenë shumë të kërkuara dhe shumë vende të vaksinimit kanë luftuar me furnizime të kufizuara, duke shfaqur dhe pakënaqësi. Ekspertët e shëndetit Publik në SHBA shpjegojnë gjithashtu se frika nga vaksinat e vjedhura ose të manipuluara ka bërë që shumë departamente të shëndetit dhe spitale të sigurohen që dozat nuk do të vidhen apo keq përdoren, gjë që kërkon një staf shtesë dhe kosto shtesë.
Sfidat e Planifikimit.
Caktimi i datës dhe të dhënat: Edhe me një sistem të duhur të planifikimit, planifikimi i takimeve për dy doza të dy vaksinave të ndryshme është i komplikuar për tu menaxhuar. Në shumë vende, ka ditë të “dozës së parë” dhe ditë të “dozës së dytë”, ditë për Pfizer dhe ditë për Moderna. Shumë vende kanë zgjedhur që të ndajnë ditët për të shmangur gabimet që përfshijnë protokolle të ndryshme për vaksinat.
Ndërsa administrohen dozat, ka disa kërkesa edhe për dokumentet të ndryshme si regjistrimi i të dhënave, duke nisur nga të dhënat demografike deri tek regjistrimi i dozave që janë marrë. Shumica e departamenteve shëndetësore duhet ta fusin manualisht atë informacion në bazat e të dhënave të vështira, të cilat shpesh janë të ndara nga sistemet e planifikimit.(The Wall Street Journal, gazeta “Si”)
