Detaje të reja kanë dalë nga vrasja e 31-vjeçarit Tauland Gjikaj në mes të qytetit të Vlorës.
Sipas informacioneve shkak i vrasjes dyshohet të ketë qenë një borxh që viktima iu ka pasur autorëve.
Mësohet se mëngjesin e djeshëm Gjikaj ka kërkuar një shumë lekësh borxh diku, si dhe ka komunikuar në telefon me autorët.
Telefonatat mes tyre kanë qenë të ashpra dhe me ofendime. Ata kanë qenë miq dhe shokë me njëri-tjetrin, kanë qenë të njohur, ndaj dhe 31-vjeçari ka ndaluar, në momentin që ata i kanë dalë para në rrugë.
Mendohet se autorët vetëm kanë dashur që ta trembin viktimën, por jo që ta vrisnin.
Automjeti me të cilin ata kanë dalë para viktimës ka qenë në pronësi të bashkëshortes së njërit prej autorëve.
Pas vrasjes ata janë larguar me shpejtësi, pas ca kohësh dy prej autorëve kanë zbritur nga makina, ndërsa Hans Andi Jonuzaj është larguar në drejtim të Pyllit të Sodës, ku edhe u kap nga policia.
VAZHDO TË LEXOSH MË TEPËR PËR TEMËN
