Një person misterioz i infektuar me variantin shqetësues Covid, i gjetur për herë të parë në Brazil, tani është gjurmuar në Mbretërinë e Bashkuar.
Javën e kaluar, u njoftua se gjashtë raste të variantit P.1 ishin gjetur në Britani, por një nga rastet ishte ende i panjohur. Kuptohet që zyrtarët e shëndetit publik e kanë gjetur personin dhe kanë gjurmuar të gjitha kontaktet e tij. Shkencëtarët thonë se varianti duket të jetë më ngjitës.
Ekzistojnë gjithashtu shqetësime se vaksinat mund të mos jenë aq efektive kundër saj – por ekspertët e NHS në Angli thonë se vaksinat mund të “përshtaten shpejt”.
Më parë këtë javë, Sekretari i Shëndetësisë Matt Hancock tha se vaksinat aktuale të Mbretërisë së Bashkuar nuk ishin testuar ende kundër këtij varianti.
Por tashmë po punohet për të rregulluar vaksinat për t’i bërë ato më efektive për disa nga këto variante të reja.
Varianti është cilësuar “shqetësues” sepse ndan disa mutacione të rëndësishme me variantin e parë të identifikuar në Afrikën e Jugut.
Një prej këtyre mutacioneve – i quajtur E484K – mund të ndihmojë virusin të shmangë pjesët e sistemit imunitar të quajtur antitrupa që mund të luftojnë koronavirusin bazuar në përvojën e infeksionit paraprak ose një vaksine.
