Organizata Botërore e Shëndetësisë i ka dhënë autorizimin e përdorimit emergjent vaksinës COVID-19 të zhvilluar nga Johnson & Johnson. OBSH e shtoi atë në programin e saj Covax, i cili synon të sigurojë barazinë e vaksinave për vendet me të ardhura më të ulëta
“Çdo mjet i ri, i sigurt dhe efektiv kundër COVID-19 është një hap tjetër afër kontrollit të pandemisë,” tha Drejtori i Përgjithshëm i OBSH-së, Dr Tedros Adhanom Ghebreyesus, ndërsa shtoi se: “Por shpresa e ofruar nga këto mjete nuk do të materializohet nëse nuk vihen në dispozicion për të gjithë njerëzit në të gjitha vendet.”
Vaksina J&J ka avantazhin ndaj të tjerëve se kërkon vetëm një dozë dhe nuk ka të njëjtat kërkesa për kushtet, në të cilat mbahet, sikurse kërkon vaksina e zhvilluar nga Pfizer dhe partneri gjerman BioNTech, apo vaksina Moderna.
Këto dy të shtëna kërkojnë dy doza me ndarje javësh. Aksionet e Johnson & Johnson u rritën 0.3% të Premten dhe janë rritur 27% në 12 muajt e fundit.
