Greqia ka ngritur të premten dyshime se në vendin fqinj mund të jëtë duke u përhapur një variant i ri më vdekjeprurës i Covid-19. Specialistët e sëmundjeve infektive në dy qytetet më të mëdha të vendit, Athinë dhe Selanik, kanë dyshime rreth një lloji të ri të koronavirusit, i cili mbizotëron në zonën e Pireut, ndoshta sepse është një port po transmetohet në vend.
Dyshimet lindën fillimisht pasi rastet me koronavirus në zonën e Pireut janë më të rënda dhe më vdekjeprurëse, duke bërë që në njësitë intensive në zonë të mos ketë më shtretër bosh.
Në fakt, për të konfirmuar nëse ky është një lloj i ri i virusit, dhjetëra mostra janë dërguar në Institutin e Kërkimeve Biologjike të Akademisë së Athinës (IIBEAA) në mënyrë që të kryejnë analizën gjenetike për të përcaktuar se cfarë mutacioni është.
“Të dhënat epidemiologjike në Pire janë veçanërisht të rënduara prej një muajin dhe spitalet në zonë vazhdojnë të mbushen me shpejtësi. Spitali Thriasio dhe spitali Nikaia janë në kufijtë e tyre, ndërsa përkatësisht në Tzanio do të ngrihen spirale të reja në fushë të hapur”, shkruan sot gazeta greke “In.Greece”. Deri më tani
Në të njëjtën kohë, këto spitale kanë filluar të përballen me një problem në furnizimin me oksigjen mjekësor, ose sepse sasia nuk është e mjaftueshme, ose sepse sistemet qendrore të furnizimit nuk janë të mjaftueshme për të përmbushur nevojat e pacientëve, si në pavijone të thjeshta ashtu edhe në në Njësitë e Kujdesit Intensiv.
Situata e pandemisë në Greqi është rënduar veçanërisht në ditët e fundit duke sjellë rritje të shtrimeve në spitale ndërsa shifrat nuk njohin ulje pavarësisht masave të marra. Sipas ekspertëve kjo konfirmon prezencën e mutacioneve të reja të Covid–19 në vend, veçanërisht atij britanik. Në vendin fqinj janë zbuluar po ashtu varianti brazilian dhe ai i Afrikës së Jugut.
Mutacioni britanik, i cili është 50% më ngjitës, ka mbizotëruar në shumicën e rasteve. Në Atikë dhe Kretë, 9 në 10 raste janë me variantin britanik, ndërsa ekspertët u alarmuan pasi rastet u identifikuan me një kombinim të mutacioneve.
