Komisioni Qendror i Zgjedhjeve miratoi pak ditë më parë listën e kandidatëve për deputetë të Partisë Sociale Demokratike përfshirë edhe Tom Doshin pavarësisht thirrjeve të SHBA.
Kryekomisioneri Shtetëror, Ilirjan Celibashi ia kaloi “topin” prokurorisë për verifikim.
Ambasadorja e SHBA-së Yuri Kim, shpreh se fakti që KQZ nuk e përjashtoi nga gara, nuk do të thotë se është i pafajshëm dhe tashmë mesazhin e kishte për prokurorinë.
“Shtetet e Bashkuara të Amerikës janë shumë të qarta sërish. Kjo nuk është vetëm nga një person apo një individ në qeverinë e shteteve të Bashkuara, por është Sekretari i Shteteve të Bashkuara, i cili e ka përcaktuar personalisht një individ i cili nuk ka zgjedhur të vazhdojë të përfaqësojë popullin shqiptar në Kuvend.
Mendoj që KQZ-ja ka përgjegjësi të shqyrtojë të gjitha rekordet në mënyrë që të sigurohet që kandidatët të kualifikohen. Në këtë rast ai nuk është skualifikuar, e kjo nuk do të thotë që ai është i pafajshëm.
Por thjesht do të thotë që sistemi i drejtësisë në Shqipëri ka nevojë të reformohet. Dhe ky është nënkuptimi i saj. E dyta, cështja, së bashku me 11 kandidatë të tjerë i është dërguar prokurorisë dhe ne vërtetë presim që prokurorët të bëjnë punën e tyre.
Por në fund, nuk ju përket Shteteve të Bashkuara që të vendosin se kush duhet të jetë në Parlament. Nuk janë Shtetet e Bashkuara se kush do të jetë aty, por janë votuesit shqiptarë. Dhe votuesit shqiptarë duhet të marrin vendimin këtu dhe duhet ta bëjnë të qartë pozicionimin e tyre” tha Yuri Kim në Abc.
VAZHDO TË LEXOSH MË TEPËR PËR TEMËN
